ಮೈಸೂರು: ‘ಪದವಿಗಿಂತ ಕೌಶಲ್ಯವು ಮುಖ್ಯವಾಗಿದೆ. ವಿದ್ಯಾರ್ಥಿಗಳು ಸಾವಿರಾರು ಜನರ ಮಧ್ಯೆ ನಮ್ಮ ಛಾಪು ಹಲವಾರು ಕೌಶಲ್ಯಗಳನ್ನು ಕರಗತ ಮಾಡಿಕೊಳ್ಳಬೇಕು’ ಎಂದು ಮಹಾಜನ ಪ್ರಥಮ ದರ್ಜೆಯ ಕಾಲೇಜಿನಲ್ಲಿ ಐಕ್ಯೂಎಸಿ ಸಹಯೋಗದೊಂದಿಗೆ ಕಂಪ್ಯೂಟರ್ ಸೈನ್ಸ್ ವಿಭಾಗವು ಆಯೋಜಿಸಿದ್ದ ವೆಬ್‌ನಾರ್‌ನಲ್ಲಿ ಸ್ಕಿಲೋ ವಿಲ್ಲಾದ ಸಹ ಸಂಸ್ಥಾಪಕ ದೀಪಕ್ ಖರೋಲ್ ಅಭಿಪ್ರಾಯಪಟ್ಟರು.
ಡೇಟಾ ಅನಾಲಿಸಿಸ್: ಸಮಸ್ಯೆ ಪರಿಹಾರ ಮತ್ತು ವೃತ್ತಿಪರ ಬೆಳವಣಿಗೆ ಕುರಿತು ಎರಡು ಗಂಟೆಗಳ ವೆಬ್‌ನಾರ್‌ನಲ್ಲಿ ಸಂಪನ್ಮೂಲ ವ್ಯಕ್ತಿ ಶ್ರೀ ದೀಪಕ್ ಖರೋಲ್ ಅವರು ಐಐಟಿ ಪದವೀಧರರಿಂದ ಸ್ವಿಗ್ಗಿಯಲ್ಲಿ ಹಿರಿಯ ಅಭಿವೃದ್ಧಿ ವ್ಯವಸ್ಥಾಪಕರಾಗುವವರೆಗಿನ ತಮ್ಮ ಬದುಕಿನ ಪಯಣದ ಅನುಭವವನ್ನು ವಿದ್ಯಾರ್ಥಿಗಳೊಂದಿಗೆ ಹಂಚಿಕೊಂಡರು ಮತ್ತು ಡೇಟಾ ಸಮಸ್ಯೆ ನಿವಾರಣೆ ಕರಗತ ಮಾಡಿಕೊಳ್ಳಲು ವಿದ್ಯಾರ್ಥಿಗಳಿಗೆ ಸಲಹೆ ನೀಡಿದರು.
‘೨೦೨೦-೨೦೩೦ ಅನ್ನು ಡೇಟಾ ದಶಕ ಎಂದು ಕರೆಯಲಾಗುತ್ತದೆ ಮತ್ತು ಹೆಚ್ಚಿನ ವಿದ್ಯಾರ್ಥಿಗಳು ಐಟಿ ಕಂಪನಿಗಳಿಂದ ಭಾರೀ ವೇತನ ಚೆಕ್‌ಗಳನ್ನು ಆಕರ್ಷಿಸಲು ಟೆಕ್ ಜಗತ್ತಿನಲ್ಲಿ ತಮ್ಮ ಕೌಶಲ್ಯಗಳನ್ನು ಅಭಿವೃದ್ಧಿ ಪಡಿಸಿಕೊಳ್ಳಬೇಕು ಮತ್ತು ತಮ್ಮನ್ನು ತಾವು ಅಪ್‌ಗ್ರೇಡ್ ಮಾಡಬೇಕು’ ಎಂದು ಖರೋಲ್ ಹೇಳಿದರು.
‘ವ್ಯಾಪಾರ ಜಗತ್ತಿನಲ್ಲಿ, ಇತರ ರೀತಿಯ ತಂತ್ರಗಳನ್ನು ಮತ್ತು ರಿಯಾಯಿತಿಗಳನ್ನು ಬಳಸಿಕೊಂಡು ಗ್ರಾಹಕರನ್ನು ಆಕರ್ಷಿಸಲು ಹೆಚ್ಚಿನ ಸಮಸ್ಯೆಗಳನ್ನು ಪರಿಹರಿಸುವ ವ್ಯಕ್ತಿಗಳ ಅಗತ್ಯವಿದೆ ಮತ್ತು ಅದರಿಂದ, ಸಮಸ್ಯೆ ಪರಿಹರಿಸುವ ಕೌಶಲ್ಯವು ೨೧ನೇ ಶತಮಾನದಲ್ಲಿ ಕ್ಷೇತ್ರಗಳಾದ್ಯಂತ ಪ್ರಮುಖ ಕೌಶಲ್ಯವಾಗಿದೆ’ ಎಂದು ಅಭಿಪ್ರಾಯಪಟ್ಟರು.
ವಿದ್ಯಾರ್ಥಿಗಳು ಮತ್ತು ಶ್ರೀ ಖರೋಲ್ ನಡುವಿನ ಸಂವಾದದೊಂದಿಗೆ ಕಾರ್ಯಕ್ರಮವು ಕೊನೆಗೊಂಡಿತು. ಪ್ರಾಂಶುಪಾಲರಾದ ಡಾ. ಬಿ. ಆರ್. ಜಯಕುಮಾರಿ, ಕಂಪ್ಯೂಟರ್ ಸೈನ್ಸ್ ವಿಭಾಗದ ಮುಖ್ಯಸ್ಥೆ ಶೃತಿ ಪೂಣಚ್ಚ, ಇತರೆ ಸಿಬ್ಬಂದಿ ವರ್ಗದವರು ಮತ್ತು ವಿಭಾಗದ ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.
