ವಾಷಿಂಗ್ಟನ್: ಅಮೆರಿಕದ ಮಾಜಿ ಕಾರ್ಯದರ್ಶಿ ಮತ್ತು ನೊಬೆಲ್ ಶಾಂತಿ ಪ್ರಶಸ್ತಿ ವಿಜೇತ ಹೆನ್ರಿ ಕಿಸ್ಸಿಂಜರ್ (100) ನಿಧನರಾದರು.
ಶೀತಲ ಸಮರದ ಸಮಯದಲ್ಲಿ ಯುಎಸ್ ವಿದೇಶಾಂಗ ನೀತಿಯಲ್ಲಿ ಪ್ರಮುಖ ಮತ್ತು ಧ್ರುವೀಕರಣದ ಪಾತ್ರವನ್ನು ವಹಿಸಿದ್ದ ಅವರು ನಿಕ್ಸನ್ ಮತ್ತು ಫೋರ್ಡ್ ಆಡಳಿತದ ಅವಧಿಯಲ್ಲಿ ಅಮೆರಿಕದ ಉನ್ನತ ರಾಜತಾಂತ್ರಿಕ ಮತ್ತು ರಾಷ್ಟ್ರೀಯ ಭದ್ರತಾ ಸಲಹೆಗಾರರಾಗಿ ಸೇವೆ ಸಲ್ಲಿಸಿದರು.
ಜರ್ಮನ್ ಮೂಲದ ಹೆನ್ರಿ ಕಿಸ್ಸಿಂಜರ್ ಕನೆಕ್ಟಿಕಟ್‌ನಲ್ಲಿರುವ ಅವರ ಮನೆಯಲ್ಲಿ ನಿಧನಹೊಂದಿದ್ದು. ಹೆನ್ರಿ ಅವರೇ ಸ್ಥಾಪಿಸಿದ ನೀತಿ ಸಲಹಾ ಸಂಸ್ಥೆಯಾದ ಕಿಸ್ಸಿಂಜರ್ ಅಸೋಸಿಯೇಟ್ಸ್‌ ನಿಂದ ಬುಧವಾರ ನಿಧನದ ಸುದ್ದಿ ಹೊರಬಿದ್ದಿದೆ.
ಕಿಸ್ಸಿಂಜರ್ ಅವರು ಇತ್ತೀಚಿನ ದಿನಗಳ ವರೆಗೂ (ಈ ವರ್ಷ ಮೇ ತಿಂಗಳಲ್ಲಿ) ವೈಟ್ ಹೌಸ್‌ನಲ್ಲಿ ಸಭೆಗಳಲ್ಲಿ ಭಾಗವಹಿಸುತ್ತಿದ್ದರು. ಅವರ ಪುಸ್ತಕವೊಂದು ಇತ್ತೀಚೆಗೆ ಹೊರಬಂದಿತು ಮತ್ತು ಅವರು ಉತ್ತರ ಕೊರಿಯಾದ ಪರಮಾಣು ಬೆದರಿಕೆಯ ಬಗ್ಗೆ ಸೆನೆಟ್ ಸಮಿತಿಯ ಮುಂದೆ ಸಾಕ್ಷ್ಯ ನೀಡಿದರು. ಜುಲೈ 2023 ರಲ್ಲಿ, ಅವರು ಚೀನಾದ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್ ಅವರನ್ನು ಭೇಟಿ ಮಾಡಲು ಬೀಜಿಂಗ್‌ಗೆ ಹಠಾತ್ ಭೇಟಿ ನೀಡಿದ್ದರು.
ಹೆನ್ರಿ ಅವರ ನಿಧನಕ್ಕೆ ಯುಎಸ್ ಮಾಜಿ ಅಧ್ಯಕ್ಷ ಜಾರ್ಜ್ ಡಬ್ಲ್ಯೂ ಬುಷ್ ಅವರು ಶ್ರದ್ಧಾಂಜಲಿ ಸಲ್ಲಿಸಿದರು, ಯುಎಸ್ “ವಿದೇಶಿ ವ್ಯವಹಾರಗಳ ಮೇಲೆ ಅತ್ಯಂತ ವಿಶ್ವಾಸಾರ್ಹ ಮತ್ತು ವಿಶಿಷ್ಟವಾದ ಧ್ವನಿಯನ್ನು ನಾವು ಕಳೆದುಕೊಂಡಿದೆ” ಎಂದು ಹೇಳಿದರು.
