ಟಾಲಿವುಡ್‌ನ ರೆಬೆಲ್ ಸ್ಟಾರ್ ಪ್ರಭಾಸ್ ಅವರ ಮಹತ್ವಾಕಾಂಕ್ಷಿ ಚಿತ್ರ ‘ದಿ ರಾಜಾಸಾಬ್’, ಈಗಾಗಲೇ ಭಾರಿ ನಿರೀಕ್ಷೆ ಹುಟ್ಟುಹಾಕಿದ್ದು, ಈಗ ಟೀಸರ್ ಬಿಡುಗಡೆಯಾಗಿದ್ದು ಅಭಿಮಾನಿಗಳಲ್ಲಿ ತೀವ್ರ ಕುತೂಹಲ ಉಂಟುಮಾಡಿದೆ. ಈ ಸಿನಿಮಾವನ್ನು ಖ್ಯಾತ ನಿರ್ದೇಶಕ ಮಾರುತಿ ನಿರ್ದೇಶಿಸಿದ್ದಾರೆ ಮತ್ತು ಪೀಪಲ್ ಮೀಡಿಯಾ ಫ್ಯಾಕ್ಟರಿ ನಿರ್ಮಾಣ ಮಾಡಿದ್ದು, ಟಿಜಿ ವಿಶ್ವ ಪ್ರಸಾದ್ ನಿರ್ಮಾಪಕರಾಗಿದ್ದಾರೆ.
ಟೀಸರ್‌ನಲ್ಲಿ ಪ್ರಭಾಸ್ ಅವರ ವೈವಿಧ್ಯಮಯ ಲುಕ್, ವಿಶೇಷವಾಗಿ ವಿಂಟೇಜ್ ಸ್ಟೈಲ್ ಮತ್ತು ಪಕ್ಕಾ ಮಾಸ್ ಆಕ್ಷನ್ ರೂಪದಲ್ಲಿ ಕಾಣಿಸಿಕೊಂಡಿದ್ದು, ಅಭಿಮಾನಿಗಳಿಗೆ ಹರ್ಷದ ಕಣ್ಮರೆ ತಂದಿದೆ. ಮೂವರು ನಾಯಕಿಯರು – ನಿಧಿ ಅಗರ್ವಾಲ್, ಮಾಳವಿಕಾ ಮೋಹನ್ ಮತ್ತು ರಿದ್ಧಿ ಕುಮಾರ್ ಪ್ರಭಾಸ್ ಗೆ ಜತೆಯಾಗಿದ್ದು, ಕಥೆಗೆ ಹೊಸಮಟ್ಟದ ರೋಮ್ಯಾಂಸ್ ಮತ್ತು ನಿಗೂಢತೆಯನ್ನು ಒದಗಿಸಿದ್ದಾರೆ.
ಬಾಲಿವುಡ್ ನಟ ಸಂಜಯ್ ದತ್ ಅವರ ವಿಚಿತ್ರ ಗೆಟಪ್ ಹಾಗೂ ಹಾರರ್-ಫ್ಯಾಂಟಸಿ ಹಿನ್ನೆಲೆ ಚಿತ್ರಕ್ಕೆ ವಿಶೇಷ ಗಂಭೀರತೆ ನೀಡಿದೆ. ಟೀಸರ್‌ನಲ್ಲಿ ಮಸ್ತ್ ಡ್ಯಾನ್ಸ್, ಪ್ರಭಾಸ್‌ನ ಕಾಮಿಡಿ ಡೈಲಾಗ್‌ಗಳು, ಥಮನ್ ಅವರ ಹೈಲೈಟ್ ಸಂಗೀತ ಎಲ್ಲವೂ ಸಿನಿಮಾವನ್ನು ದೊಡ್ಡ ಮಟ್ಟದ ಮನರಂಜನೆಯಾಗಿ ಮಾಡಿವೆ.
‘ದಿ ರಾಜಾಸಾಬ್’ ಈ ವರ್ಷದ ಡಿಸೆಂಬರ್ 5ರಂದು ಬಹುಭಾಷೆಗಳಲ್ಲಿ ಬಿಡುಗಡೆ ಆಗಲಿದೆ.
