Friday, April 4, 2025
Google search engine

Homeಕಾಡು-ಮೇಡುನಾಗರಹೊಳೆಯಲ್ಲಿ ಹುಲಿಯೊಂದಿಗೆ ಕಾದಾಡಿ ಮೃತಪಟ್ಟ ಚಿರತೆ

ನಾಗರಹೊಳೆಯಲ್ಲಿ ಹುಲಿಯೊಂದಿಗೆ ಕಾದಾಡಿ ಮೃತಪಟ್ಟ ಚಿರತೆ

ಹನುಗೋಡು: ನಾಗರಹೊಳೆ ಹುಲಿ ಸಂರಕ್ಷಿತ ಪ್ರದೇಶ ವ್ಯಾಪ್ತಿಯ ಕಲ್ಲಹಳ್ಳ ವನ್ಯಜೀವಿ ವಲಯದಲ್ಲಿ ಗಂಡು ಚಿರತೆಯೊಂದು ಹುಲಿಯೊಂದಿಗೆ ಕಾದಾಟಕ್ಕಿಳಿದು ಮೃತಪಟ್ಟಿದೆ.

ಕಲ್ಲಹಳ್ಳ ವನ್ಯಜೀವಿ ವಲಯದ ಕಲ್ಲಹಳ್ಳ ಶಾಖೆಯ ಕಲ್ಲಹಳ್ಳ ಗಸ್ತಿನಲ್ಲಿ ಸುಮಾರು ೧೦ ವರ್ಷದ ಗಂಡು ಚಿರತೆಯು ಮೃತಪಟ್ಟಿದ್ದು, ಅರಣ್ಯ ಸಿಬ್ಬಂದಿಗಳು ಚಿರತೆ ಕಳೆಬರ ಪತ್ತೆಯಾದ ಹಿನ್ನಲೆಯಲ್ಲಿ ಸಿಬ್ಬಂದಿಗಳು ಮೇಲಾಧಿಕಾರಿಗಳಿಗೆ ವಿಷಯ ತಿಳಿಸಲಾಗಿದ್ದು, ನೆನ್ನೆ ಸಂಜೆ ನಾಗರಹೊಳೆ ಹುಲಿ ಸಂರಕ್ಷಿತ ಪ್ರದೇಶದ ನಿರ್ದೇಶಕ ಹರ್ಷಕುಮಾರ್ ಚಿಕ್ಕನರಗುಂದ ರವರ ಸಮಕ್ಷಮದಲ್ಲಿ ರಾಷ್ಟೀಯ ಹುಲಿ ಸಂರಕ್ಷಿತ ಪ್ರಾಧಿಕಾರ ನಾಮನಿರ್ದೇಶಿತರಾದ ಕೆ. ಎನ್.ಮಾದಪ್ಪ, ಮುಖ್ಯ ವನ್ಯಜೀವಿ ಪರಿಪಾಲಕರ ಡಾ.ಸಿ.ಕೆ.ತಮ್ಮಯ್ಯ , ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿ ಕುಮಾರಿ ಪಿ.ಅನುಷ, ಕಲ್ಲಹಳ್ಳ ವನ್ಯಜೀವಿ ವಲಯ ಅರಣ್ಯಾಧಿಕಾರಿ ಮಹಮ್ಮದ್ ಸಮಿತಿಯನ್ನು ರಚಿಸಿ, ಮರಣೋತ್ತರ ಪರೀಕ್ಷೆ ನಡೆಸಿ ಚಿರತೆಯ ಅಂತ್ಯಕ್ರಿಯೆ ನಡೆಸಲಾಯಿತು.

ಸದರಿ ಚಿರತೆಯು ಹುಲಿಯೊಂದಿಗೆ ಕಾದಾಟದಲ್ಲಿ ಮೃತಪಟ್ಟಿರುತ್ತದೆ ಎಂದು ಮರಣೋತ್ತರ ಪರೀಕ್ಷೆ ವೇಳೆ ತಿಳಿದು ಬಂದಿರುತ್ತದೆ. ಹೆಚ್ಚಿನ ಮಾಹಿತಿಗಾಗಿ ಮೃತಪಟ್ಟ ಚಿರತೆಯ ಅಂಗಾಂಗಳ ಮಾದರಿಯನ್ನು ಮೈಸೂರಿನ ಪಶು ಆಸ್ಪತ್ರೆಯ ಪ್ರಯೋಗಾಲಯಕ್ಕೆ ಕಳುಹಿಸಲಾಗಿದೆ ಎಂದು ಅರಣ್ಯ ಅಧಿಕಾರಿಗಳು ತಿಳಿಸಿದ್ದಾರೆ. ಮರಣೋತ್ತರ ಪರೀಕ್ಷೆ ಯನ್ನು ದುಬಾರೆ ಆನೆ ಶಿಬಿರದ ವೈಧ್ಯಾಧಿಕಾರಿ ಡಾ. ಚಿಟ್ಟಿಯಪ್ಪ, ಮತ್ತು ಬಾಳೆಲೆ ಪಶು ಆಸ್ಪತ್ರೆ ಪಶು ವೈಧ್ಯಾಧಿಕಾರಿ ಡಾ.ಭವಿಷ್ಯಕುಮಾರ್ ನಡೆಸಿದರು.

RELATED ARTICLES
- Advertisment -
Google search engine

Most Popular