ಪೊನ್ನಂಪೇಟೆಯಲ್ಲಿ ಮುಂದುವರೆದ ಹುಲಿಗಳ ಕಾಟ: ಕ್ಯಾಮೆರಾದಲ್ಲಿ ಹುಲಿಗಳ ಸಂಚಾರ ಸೆರೆ

ಕೊಡಗು: ಕೊಡಗಿನ ಪೊನ್ನಂಪೇಟೆ ತಾಲೂಕಿನ ಜನತೆ ಹುಲಿಗಳ ಕಾಟ ಮುಂದುವರೆದಿದ್ದು, ಗ್ರಾಮಗಳಲ್ಲಿ ಮತ್ತೆರಡು ಹುಲಿಗಳು ಅಡ್ಡಾಡುತ್ತಿರುವುದು ಪತ್ತೆಯಾಗಿದೆ.

ಬೆಳ್ಳೂರು,ಬಲ್ಯಮುಂಡೂರು ಗ್ರಾಮದಲ್ಲಿ  ಎಸ್ 20, ಎಸ್ 4 ನಂಬರಿನ ವ್ಯಾಘ್ರಗಳು ಸಂಚಾರ ನಡೆಸುತ್ತಿವೆ ಎನ್ನಲಾಗಿದೆ.

ಅರಣ್ಯ ಇಲಾಖೆ ಅಳವಡಿಸಿದ ಕ್ಯಾಮರಾದಲ್ಲಿ ‘ಎಸ್ 20’ ನಂಬರಿನ ಹುಲಿ ಸೆರೆಯಾಗಿದೆ.

ಕೊಡಗು ಅರಣ್ಯ ಸಂರಕ್ಷಣಾಧಿಕಾರಿ  ನಿರಂಜನ್ ಮೂರ್ತಿ ಈ ಕುರಿತು ಮಾತನಾಡಿ, ಹುಲಿ ಹಿಡಿಯಲು ಅನುಮತಿ ಇದೆ. ಅದಕ್ಕೆ ಶಕ್ತಿಮೀರಿ ಪ್ರಯತ್ನಿಸಲಾಗುತ್ತಿದೆ. ಕಾರ್ಯಾಚರಣೆ ಸಂದರ್ಭ ಹುಲಿ ತಪ್ಪಿಸಿಕೊಳ್ಳುತ್ತಿದೆ. ಅಲ್ಲಲ್ಲಿ ಮತ್ತಷ್ಟು ಕ್ಯಾಮರಾ ಅಳವಡಿಕೆ ಮಾಡಲಾಗುತ್ತಿದೆ. ಸಾರ್ವಜನಿಕರು ಕಂಡರೆ ತಕ್ಷಣ ಮಾಹಿತಿ ನೀಡಿ ಎಂದರು.