ಮೈಸೂರು: ತ್ಯಾಗರಾಜ ರಸ್ತೆಯಲ್ಲಿರುವ ಅಕ್ಕನ ಬಳಗ ಶಾಲೆಯಲ್ಲಿ ಕಾಂಗ್ರೆಸ್ ಯುವ ಮುಖಂಡರಾದ ದಿವಂಗತ ರಾಕೇಶ್ ಸಿದ್ದರಾಮಯ್ಯ ಸ್ಮರಣಾರ್ಥ ದಿನೇಶ್ ಗುಂಡೂರಾವ್ ಅಭಿಮಾನಿ ಬಳಗದ ವತಿಯಿಂದ
ಶಾಲಾ ಮಕ್ಕಳಿಗೆ ಓದುವ ಸಾಮಗ್ರಿಗಳನ್ನು ವಿತರಿಸುವ ಮೂಲಕ ರಾಕೇಶ್ ಸಿದ್ದರಾಮಯ್ಯ ರವರನ್ನು ಸ್ಮರಿಸಿದರು.
ಕೆ ರಘುರಾಮ್ ವಾಜಪೇಯಿ ಮಾತನಾಡಿ ರಾಕೇಶ್ ರವರು ಒಳ್ಳೆಯ ಭವಿಷ್ಯದ ಭರವಸೆಯ ನಾಯಕರಾಗಿದ್ದರು, ತಂದೆ ತಾಯಿಯ ಆದರ್ಶಗಳನ್ನು ಮೈಗೂಡಿಸಿ ಕೊಂಡವರು . ಧಾರ್ಮಿಕ ವ್ಯಕ್ತಿತ್ವವನ್ನು ಅವರ ಗ್ರಾಮದ ಹಿರಿಯರಿಂದ ಮೈಗೂಡಿಸಿಕೊಂಡಿದ್ದರು, ಅನೇಕ ಸಂದರ್ಭದಲ್ಲಿ ಭೇಟಿಯಾದಾಗ ಅವರ ಮುಂದಿನ ಕನಸುಗಳನ್ನು ವ್ಯಕ್ತಪಡಿಸುತ್ತಿದ್ದರು, ಆದರೆ ದುರದೃಷ್ಟ ದಿ ರಾಕೇಶ್ ಸಿದ್ದರಾಮಯ್ಯನವರು ಅತ್ಯಂತ ಚಿಕ್ಕ ವಯಸ್ಸಿನಲ್ಲೇ ಜನಸೇವೆಯ ಮೂಲಕ ಯುವಕರ ಸ್ಫೂರ್ತಿಯಾಗಿ ರಾಜ್ಯದ ವಿವಿದೆಡೆ ಲಕ್ಷಾಂತರ ಅಭಿಮಾನಗಳನ್ನು ಹೊಂದಿದ್ದರು.
ತಮ್ಮ ಪರಿಶ್ರಮ ಸಮಾಜಮುಖಿ ಕಾರ್ಯಗಳ ಮುಖೇನಾ ಬೆಳೆದು ಇನ್ನೇನೂ ಒಬ್ಬ ಯಶಸ್ವಿ ರಾಜಕರಣಿಯಾಗುವ ಸಂಧರ್ಭದಲ್ಲಿ ಇಹಲೋಕ ತ್ಯಜಿಸಿ ಸಾವಿರಾರು ಅಭಿಮಾನಿಗಳನ್ನು ಬಿಟ್ಟೋದರು. ಮುಖ್ಯಮಂತ್ರಿ ತಂದೆಯವರಿಗೆ ಬರಿಸಲಾರದ ನಷ್ಟ ಆಗಿರುತ್ತದೆ, ಈಗಿನ ಯುವ ಪೀಳಿಗೆ ರಾಕೇಶ್ ಸಿದ್ದರಾಮಯ್ಯ ಆದರ್ಶಗಳನ್ನು ಅನುಸರಿಸುವಂತಾಗಲಿ ಎಂದು ಹೇಳಿದರು.
ನಂತರ ಕಾಂಗ್ರೆಸ್ ಮುಖಂಡರಾದ ಎನ್ ಎಂ ನವೀನ್ ಕುಮಾರ್ ಮಾತನಾಡಿ ಅವರ ಅಕಾಲಿಕ ಮರಣ ಸಾವಿರಾರು ಅಭಿಮಾನಿಗಳಿಗೆ ತುಂಬಲಾರದ ನಷ್ಟವಾಗಿದೆ . ರಾಕೇಶ್ ಸಿದ್ದರಾಮಯ್ಯ ದೈಹಿಕವಾಗಿ ನಮ್ಮ ಕಣ್ಣಮುಂದೆ ಇಲ್ಲದಿದ್ದರೂ ನಮ್ಮೆಲ್ಲರ ಹೃದಯದಲ್ಲಿ ಅಚ್ಚಳಿಯದೆ ಇರುವಂತೆ ಅವರು ನೆನೆಪು ಮಾಡಿಕೊಳ್ಳುವಂತೆ ಸದಾ ನಮ್ಮಜೊತೆಯಲ್ಲಿದ್ದಾರೆ. ಅವರ ಸ್ಮರಣೆಯಲ್ಲಿ ಪ್ರತಿವರ್ಷ ಸಾಮಾಜಿಕ ಸೇವ ಕಾರ್ಯಗಳ ಮೂಲಕ ಸ್ಮರಿಸಲಾಗುವುದು. ಸರ್ಕಾರಿ ಶಾಲೆ ಪ್ರಗತಿ ಕಂಡರೆ ಮಕ್ಕಳ ಶೈಕ್ಷಣಿಕ ಗುಣಮಟ್ಟ ಸುಧಾರಿಸುತ್ತದೆ, ಶಿಕ್ಷಣ ಉಣಬಡಿಸುವ ಶಾಲೆಗಳು ಅಭಿವೃದ್ಧಿ ಹೊಂದಿದ್ದರೆ, ನಗರ ಹಾಗೂ ಗ್ರಾಮದ ಅಭಿವೃದ್ಧಿ ಯಾದಂತೆ ಎಂದು ಹೇಳಿದರು
ಇದೇ ಸಂದರ್ಭದಲ್ಲಿ ಹಿರಿಯ ಸಮಾಜಸೇವಕರಾದ ಕೆ ರಘುರಾಮ್ ವಾಜಪೇಯಿ, ಎನ್ ಎಂ ನವೀನ್ ಕುಮಾರ್,
ಕೆಪಿಸಿಸಿ ಸದಸ್ಯರಾದ ನಜರ್ಬಾದ್ ನಟರಾಜ್, ಗುಂಡುರಾವ್ ಅಭಿಮಾನಿ ಬಳಗದ ಅಧ್ಯಕ್ಷ ವಿನಯ್ ಕಣಗಾಲ್, ಮಾಜಿ ಮೂಡಾ ಸದಸ್ಯರಾದ ಲತಾ ಮೋಹನ್, ರವಿತೇಜ, ರಾಜೇಶ್ ಪಳನಿ, ಪವನ್ ಸಿದ್ದರಾಮು, ಶಾಲೆಯ ಮುಖ್ಯ ಶಿಕ್ಷಕರಾದ ಸುಗುಣಾವತಿ, ಮಿರ್ಲೆ ಪನೀಶ್, ರಾಕೇಶ್, ಭರತ್, ಡಿ ಕೆ ನಾಗಭೂಷಣ್, ಚಕ್ರಪಾಣಿ, ಹಾಗೂ ಇನ್ನಿತರರು ಹಾಜರಿದ್ದರು.
