ನವದೆಹಲಿ : ಕಳೆದ ಬುಧವಾರ ಲಕ್ನೋ ಸೂಪರ್ ಜೈಂಟ್ಸ್ (LSG) ವಿರುದ್ಧದ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಐಪಿಎಲ್ ಇತಿಹಾಸದಲ್ಲೇ ಮೊದಲ ಬಾರಿಗೆ ‘ಇಂಪ್ಯಾಕ್ಟ್ ಪ್ಲೇಯರ್’ ಆಗಿ ಕಣಕ್ಕಿಳಿದಿದ್ದರು. ಈಗ ಇಂದು ದೆಹಲಿ ಕ್ಯಾಪಿಟಲ್ಸ್ ವಿರುದ್ಧ ನಡೆಯಲಿರುವ ಪಂದ್ಯದಲ್ಲೂ ಅವರು ಇದೇ ರೀತಿ ಆಡುತ್ತಾರಾ ಎಂಬ ಕುತೂಹಲ ಅಭಿಮಾನಿಗಳಲ್ಲಿ ಮನೆಮಾಡಿದೆ.
ಕೊಹ್ಲಿ ಇಂಪ್ಯಾಕ್ಟ್ ಪ್ಲೇಯರ್ ಆಗಿದ್ದಕ್ಕೆ ಕಾರಣವೇನು?
ಏಪ್ರಿಲ್ 12 ರಂದು ಮುಂಬೈ ಇಂಡಿಯನ್ಸ್ ವಿರುದ್ಧದ ಪಂದ್ಯದ ವೇಳೆ ಕೊಹ್ಲಿ ಅವರ ಹಿಮ್ಮಡಿಯಲ್ಲಿ ಸ್ವಲ್ಪ ನೋವು ಕಾಣಿಸಿಕೊಂಡಿತ್ತು. ಈ ಕಾರಣದಿಂದಾಗಿ ಅವರು ಲಕ್ನೋ ವಿರುದ್ಧದ ಪಂದ್ಯದಲ್ಲಿ ಫೀಲ್ಡಿಂಗ್ ಗೆ ಇಳಿಯದೆ ಕೇವಲ ಬ್ಯಾಟಿಂಗ್ ಗಾಗಿ ಇಂಪ್ಯಾಕ್ಟ್ ಪ್ಲೇಯರ್ ಆಗಿ ಬಂದಿದ್ದರು. ಅವರು ಇನ್ನೂ ಸಂಪೂರ್ಣ ಫಿಟ್ ಆಗಿಲ್ಲ ಎಂಬುದು ಸ್ವತಃ ಕೊಹ್ಲಿ ಅವರ ಮಾತಿನಿಂದ ತಿಳಿದುಬಂದಿತ್ತು.
ಇಂದಿನ ಪಂದ್ಯದ ಬಗ್ಗೆ ಜೋಶ್ ಹ್ಯಾಜಲ್ವುಡ್ ಹೇಳಿದ್ದೇನು?
ಬೆಂಗಳೂರು ತಂಡದ ವೇಗದ ಬೌಲರ್ ಜೋಶ್ ಹ್ಯಾಜಲ್ವುಡ್ ಅವರು ಪಂದ್ಯಕ್ಕೂ ಮುನ್ನ ನಡೆದ ಸುದ್ದಿಗೋಷ್ಠಿಯಲ್ಲಿ ಕೊಹ್ಲಿ ಬಗ್ಗೆ ಅಪ್ಡೇಟ್ ನೀಡಿದ್ದಾರೆ.
”ಕೊಹ್ಲಿ ಖಂಡಿತವಾಗಿಯೂ ಪಂದ್ಯವನ್ನು ಆಡಲಿದ್ದಾರೆ. ಆದರೆ ಅವರು ಆರಂಭಿಕ 11 ರ ಬಳಗದಲ್ಲಿ ಇರುತ್ತಾರೋ ಅಥವಾ ಮತ್ತೆ ಇಂಪ್ಯಾಕ್ಟ್ ಪ್ಲೇಯರ್ ಆಗಿ ಬರುತ್ತಾರೋ ಎಂಬುದು ಇನ್ನೂ ನಿರ್ಧಾರವಾಗಿಲ್ಲ. ವಿರಾಟ್ ಮೈದಾನದಲ್ಲಿ ಯಾವಾಗಲೂ ಎನರ್ಜಿ ತರುತ್ತಾರೆ ಮತ್ತು ಅವರು ಶ್ರೇಷ್ಠ ಫೀಲ್ಡರ್. ಅವರು ಸಂಪೂರ್ಣವಾಗಿ ಆಟದಲ್ಲಿ ತೊಡಗಿಸಿಕೊಳ್ಳಲು ಇಷ್ಟಪಡುತ್ತಾರೆಯೇ ಹೊರತು ಸುಮ್ಮನೆ ಕೂರುವವರಲ್ಲ ಎಂದಿದ್ದಾರೆ.
ಸೀಸನ್ ನಲ್ಲಿ ಕೊಹ್ಲಿ ಅಮೋಘ ಫಾರ್ಮ್ ನೀಡಿದ್ದು, ಸದ್ಯ ಐಪಿಎಲ್ 2026 ರಲ್ಲಿ ಕೊಹ್ಲಿ ಅದ್ಭುತ ಪ್ರದರ್ಶನ ನೀಡುತ್ತಿದ್ದಾರೆ.
ಪಂದ್ಯಗಳು 5, ರನ್ 228, ಸರಾಸರಿ 57, ಸ್ಟ್ರೈಕ್ ರೇಟ್ 158.33, ಅರ್ಧಶತಕಗಳು 2
ಪ್ರಸ್ತುತ ಅತಿ ಹೆಚ್ಚು ರನ್ ಗಳಿಸಿದವರ ಪಟ್ಟಿಯಲ್ಲಿ (ಆರೆಂಜ್ ಕ್ಯಾಪ್ ರೇಸ್) ಕೊಹ್ಲಿ ಎರಡನೇ ಸ್ಥಾನದಲ್ಲಿದ್ದಾರೆ. ದೆಹಲಿ ವಿರುದ್ಧದ ಇಂದಿನ ಪಂದ್ಯದಲ್ಲೂ ಅವರ ಬ್ಯಾಟ್ ಸದ್ದು ಮಾಡುವುದನ್ನು ನೋಡಲು ಅಭಿಮಾನಿಗಳು ಕಾಯುತ್ತಿದ್ದಾರೆ.
