ಕಲಬುರಗಿ: ಇಲ್ಲಿನ ಮಹಾನಗರ ಪಾಲಿಕೆ ಆಯುಕ್ತರ ನಕಲಿ ಸಹಿ ಮಾಡಿ ಹಣ ಡ್ರಾ ಮಾಡಿರುವ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪಾಲಿಕೆಯ ಆಯುಕ್ತರ ಆಪ್ತ ಸಹಾಯಕ ಸೇರಿದಂತೆ ಒಟ್ಟು ಐವರನ್ನು ಪೊಲೀಸರು ಬಂಧಿಸಿದ್ದಾರೆ.
ಚೆಕ್ ಬುಕ್‌ ನಲ್ಲಿ ಆಯುಕ್ತರ ಹೆಸರು ಉಲ್ಲೇಖ ಮಾಡಿ 1.32 ಕೋಟಿ ಮೊತ್ತ ಚೆಕ್ ಬಳಕೆ ಹಿನ್ನಲೆ ಹಣ ಡ್ರಾ ಮಾಡಿಕೊಂಡ ಪ್ರಕರಣ ಸಂಬಂಧ ಪಾಲಿಕೆ ಆಯುಕ್ತರ ಪಿಎ ಸೇರಿ ಐವರ ಬಂಧನವಾಗಿದೆ.
ಪಾಲಿಕೆ ಆಯುಕ್ತರ ಪಿಎ ಮೊಹಮ್ಮದ್ ನಯಿಮೋದ್ದಿನ್, ವಾಜೀದ್ ಇಮ್ರಾನ್, ಮೀರ್ಜಾ ಬೇಗ್, ನಸೀರ್ ಅಹ್ಮದ್,( ಗುತ್ತಿಗೆ ಆದಾರದ ಅಕೌಂಟೆಂಟ್) ಮೊಹಮ್ಮದ್ ರೆಹಮಾನ್ (ಪ್ರಾಜೆಕ್ಟ್ ಮ್ಯಾನೆಜರ್ ) ಬಂಧಿತ ಆರೋಪಿಗಳು.
ಬಂಧಿತರಿಂದ 30 ಲಕ್ಷ ಹಣ ಜಪ್ತಿ ಮಾಡಿದ್ದು ಬ್ರಹ್ಮಪೂರ ಪೊಲೀಸರಿಂದ ಆರೋಪಿಗಳನ್ನು ಬಂಧಿಸಲಾಗಿದೆ. ಮೊದಲು ಒಂದು ಚೆಕ್ ಅನ್ನು ಬ್ಯಾಂಕ್ ಗೆ ಕಳುಹಿಸಿ 35,56,640 ಡ್ರಾ ಮಾಡಿಕೊಂಡಿದ್ದ ಖದೀಮರು. ಬಳಿಕ ಮತ್ತೆರಡೂ ಚೆಕ್ ಗಳನ್ನ ಡ್ರಾ ಮಾಡಲು ಬ್ಯಾಂಕಿಗೆ ಕಳುಹಿಸಿದ್ದರು. ಈ ವೇಳೆ ಅನುಮಾನ ಬಂದು ಆಯುಕ್ತರ ಕಚೇರಿಗೆ ಬ್ಯಾಂಕ್ ಸಿಬ್ಬಂದಿ ಮಾಹಿತಿ ನೀಡಿದ್ದರು. ತಕ್ಷಣವೇ ಎಚ್ಚೆತ್ತುಕೊಂಡು ಪಾಲಿಕೆ ದೂರು ದಾಖಲಿಸಿತ್ತು
ಸದ್ಯ ಪಾಲಿಕೆ ಆಯುಕ್ತ ಪಿಎ ಸೇರಿ ಐವರನ್ನು ಪೊಲೀಸರು ಬಂಧಿಸಿದ್ದಾರೆ, ಬ್ರಹ್ಮಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲು ಮಾಡಿಕೊಳ್ಳಲಾಗಿದೆ.
