ಹರಳೆಣ್ಣೆಯ ಆರೋಗ್ಯಕರ ಪ್ರಯೋಜನಗಳು

ಹರಳೆಣ್ಣೆ ಅಥವಾ ಕ್ಯಾಸ್ಟರ್ ಆಯಿಲ್ ಯಾರಿಗೆ ತಾನೆ ಗೊತ್ತಿಲ್ಲ ಹೇಳಿ? ನೀಳವಾದ ಕೂದಲು ಬಯಸುವವರು, ಚರ್ಮದ ಕಾಂತಿ ಹೆಚ್ಚಿಸಲು ಆಸೆ ಪಡುವ ಪ್ರತಿಯೊಬ್ಬರೂ ಹರಳೆಣ್ಣೆಯನ್ನು ಬಲ್ಲವರು. ಆದರೆ ಈ ಎಣ್ಣೆಯನ್ನು ಅನಾದಿ ಕಾಲದಿಂದಲೂ ಅನೇಕ ಆರೋಗ್ಯ ಸಮಸ್ಯೆಗಳನ್ನು ಗುಣಪಡಿಸಲು ಬಳಸಲಾಗುತ್ತದೆ ಎನ್ನುವ ವಿಚಾರ ಬಹುತೇಕರು ತಿಳಿದಿಲ್ಲ.

ಇದು ಮಾನವನ ದೈಹಿಕ ಆರೋಗ್ಯಕ್ಕೆ ತುಂಬಾ ಪ್ರಯೋಜನಕಾರಿಯಾಗಿದೆ. ಹಾಗಾದರೆ ಹರಳೆಣ್ಣೆಯಿಂದಾಗುವ ಆರೋಗ್ಯಕರ ಪ್ರಯೋಜನಗಳು ಏನು ಎನ್ನುವ ಬಗ್ಗೆ ತಿಳಿಯೋಣ.

ಹರಳೆಣ್ಣೆ ಅಥವಾ ಕ್ಯಾಸ್ಟರ್ ಆಯಿಲ್ ಎಂದರೇನು?

ಇದು ಸಸ್ಯಜನ್ಯ ಎಣ್ಣೆಯಾಗಿದ್ದು, ಇದನ್ನು ವರ್ಷಗಳಿಂದ ಬಳಸಲಾಗುತ್ತದೆ. ರಿಕಿನಸ್ ಕಮ್ಯುನಿಸ್ ಸಸ್ಯದ ಕ್ಯಾಸ್ಟರ್ ಬೀಜಗಳಿಂದ ಎಣ್ಣೆಯನ್ನು ಹೊರತೆಗೆಯುವ ಮೂಲಕ ಎಣ್ಣೆಯನ್ನು ತಯಾರಿಸಲಾಗುತ್ತದೆ. ಹೀಗಾಗಿ ಇದಕ್ಕೆ ಕ್ಯಾಸ್ಟರ್ ಆಯಿಲ್ ಅಥವಾ ಹರಳೆಣ್ಣೆ ಎಂದು ಕರೆಯಲಾಗುತ್ತದೆ. ಕ್ಯಾಸ್ಟರ್ ಆಯಿಲ್ನಲ್ಲಿ ಕಂಡುಬರುವ ರಿಸಿನ್ ಒಂದು ವಿಷಕಾರಿ ಕಿಣ್ವವಾಗಿದ್ದು ಅದು ಶಾಖ ಪ್ರಕ್ರಿಯೆಗೆ ಒಳಗಾದ ನಂತರ ನಿಷ್ಕ್ರಿಯಗೊಳ್ಳುತ್ತದೆ. ಸಸ್ಯಶಾಸ್ತ್ರದಲ್ಲಿ ಕ್ಯಾಸ್ಟರ್ ಅನ್ನು ರಿಕಿನಸ್ ಕಮ್ಯುನಿಸ್ ಎಂದು ಕರೆಯಲಾಗುತ್ತದೆ.

ಇದನ್ನು ಇತರ ಪ್ರದೇಶಗಳಲ್ಲಿ ವಿವಿಧ ಹೆಸರುಗಳಿಂದ ಕರೆಯಲಾಗುತ್ತದೆ. ಹಿಂದಿ – ಆರಂಡ್, ಇಂಗ್ಲೀಷ್ – ಕ್ಯಾಸ್ಟರ್ ಆಯಿಲ್, ಸಂಸ್ಕೃತ – ಎರಂಡ್, ಅಸ್ಸಾಂ- ಎರಿ, ಕನ್ನಡ – ಹರಳೆಣ್ಣೆ, ಒಡಿಯಾ – ಭೆರೊಂಟಾ, ತೆಲುಗು – ಅಮುದಮು ಎಂದು ಕರೆಯಲಾಗುತ್ತದೆ. ಕ್ಯಾಸ್ಟರ್ ಆಯಿಲ್ ಮರ ಪೂರ್ವ ಆಫ್ರಿಕಾ, ಆಗ್ನೇಯ ಮೆಡಿಟರೇನಿಯನ್ ಸಮುದ್ರ ಪ್ರದೇಶದಲ್ಲಿ ಮತ್ತು ಭಾರತದದಲ್ಲಿ ಬೆಳೆಯಲಾಗುತ್ತದೆ. ಈಗ ಇದು ಉಷ್ಣವಲಯದ ಪ್ರದೇಶಗಳಲ್ಲಿಯೂ ಕಂಡುಬರುತ್ತದೆ. ಇದರ ಎಲೆಗಳು ಹೊಳೆಯುತ್ತವೆ. ಎಲೆಗಳು 15-45 ಸೆಂ.ಮೀ. ಇದ್ದು, ಕಾಂಡ ಮತ್ತು ಬೇರಿನ ಚಿಪ್ಪಿನ ಬಣ್ಣ ವಿಭಿನ್ನವಾಗಿದೆ.

ಹರಳೆಣ್ಣೆ ಪ್ರಯೋಜನಗಳು (Castor Oil Benefits)

1. ಕೆಮ್ಮು ನಿವಾರಣೆಗೆ ಹರಳೆಣ್ಣೆ ಬಳಕೆ

ಹರಳೆಣ್ಣೆಯಲ್ಲಿರುವ ಗುಣಲಕ್ಷಣಗಳಿಂದಾಗಿ ಇದು ಆರೋಗ್ಯ ಮತ್ತು ಸೌಂದರ್ಯ ಎರಡಕ್ಕೂ ಪ್ರಯೋಜನಕಾರಿಯಾಗಿದೆ. 500 ಮಿ.ಗ್ರಾಂ ಆಲದ ಎಲೆಗಳನ್ನು 3 ಮಿಲಿ ಆಲದ ಎಣ್ಣೆಯಲ್ಲಿ ಬೆರೆಸಿ ಬೆಲ್ಲವನ್ನು ಸಮಪ್ರಮಾಣದಲ್ಲಿ ಬೆರೆಸಿ ಸೇವಿಸಿದರೆ ಕೆಮ್ಮು ಗುಣವಾಗುತ್ತದೆ.

2. ಕಪ್ಪು ಕಲೆಗಳ ನಿವಾರಣೆ

ಕೆಲವು ಹನಿ ಕ್ಯಾಸ್ಟರ್ ಆಯಿಲ್ ಮತ್ತು ಕೊಬ್ಬರಿ ಎಣ್ಣೆಯನ್ನು ತೆಗೆದುಕೊಂಡು ಮುಖದ ಕಪ್ಪು ಕಲೆಗಳ ಮೇಲೆ ಹಚ್ಚಿದರೆ ಕಪ್ಪು ಕಲೆಗಳು ನಿವಾರಣೆಯಾಗುತ್ತವೆ.

3. ಸಂಧಿವಾತ ವಾಸಿ

ಸಂಧಿವಾತ ರೋಗಿಗೆ ಕ್ಯಾಸ್ಟರ್ ಆಯಿಲ್ನಿಂದ ಮಸಾಜ್ ಮಾಡುವುದರಿಂದ ನೋವು ನಿವಾರಣೆಯಾಗುತ್ತದೆ. ಇದು ಸ್ನಾಯು ನೋವನ್ನು ಕಡಿಮೆ ಮಾಡುತ್ತದೆ.

4. ಮಲಬದ್ಧತೆ ನಿವಾರಣೆಗೆ ಸಹಕಾರಿ

ಮಲಬದ್ಧತೆಗೆ ಕ್ಯಾಸ್ಟರ್ ಆಯಿಲ್ ಉಪಯೋಗಕಾರಿಯಾಗಿದೆ. ಇದಕ್ಕೆ ಒಂದು ಕಪ್ ಬೆಚ್ಚಗಿನ ಹಾಲಿಗೆ ಅರ್ಧ ಚಮಚ ಹರಳೆಣ್ಣೆಯನ್ನು ಬೆರೆಸಿ ಕುಡಿಯಿರಿ.

5. ಕೂದಲಿಗೆ ಉಪಯೋಗಕಾರಿ

ಕೂದಲಿನ ಸೌಂದರ್ಯ ಮತ್ತು ಕೂದಲಿನ ಸಮಸ್ಯೆಗಳಿಗೆ ಈ ಎಣ್ಣೆಯನ್ನು ಬಳಸಲಾಗುತ್ತದೆ. ಕ್ಯಾಸ್ಟರ್ ಆಯಿಲ್ ಅನ್ನು ಕೂದಲಿಗೆ ಹಚ್ಚುವುದರಿಂದ ಕೂದಲು ಹೊಳೆಯುವ, ಉದ್ದ ಮತ್ತು ದಪ್ಪವಾಗುತ್ತದೆ. ಈ ಕಾರಣದಿಂದಾಗಿ ಕೂದಲಿನ ಶುಷ್ಕತೆ ಮತ್ತು ತಲೆಹೊಟ್ಟು ಸಹ ನಿವಾರಣೆಯಾಗುತ್ತದೆ.

6. ಹೊಟ್ಟೆಯ ಕೊಬ್ಬನ್ನು ಕರಗಿಸುವುದು

– 20-50 ಗ್ರಾಂ ಹಸಿರು ಕ್ಯಾಸ್ಟರ್ ರೂಟ್ ತೆಗೆದುಕೊಳ್ಳಿ, ಅದನ್ನು ತೊಳೆದು ಅದನ್ನು ಪುಡಿಮಾಡಿ. ಅದನ್ನು 200 ಮಿಲಿ ನೀರಿನಲ್ಲಿ ಬೇಯಿಸಿ. ಅದು ಬೆಂದು 50 ಮಿಲಿ ಆದಾಗ ಸೇವಿಸಿದರೆ ಹೊಟ್ಟೆ ಕೊಬ್ಬು ಕಡಿಮೆಯಾಗುತ್ತದೆ.

7. ಪೈಲ್ಸ್‌ನಿಂದ ಮುಕ್ತಿ

20 ರಿಂದ 30 ಮಿಲಿ ಕ್ಯಾಸ್ಟರ್ ಎಲೆಗಳ ಕಷಾಯವನ್ನು ತಯಾರಿಸಿ ಅದನ್ನು 15 ಮಿಲಿ ಅಲೋವೆರಾ ರಸದೊಂದಿಗೆ ಬೆರೆಸಿ ಬೆಳಿಗ್ಗೆ ಮತ್ತು ಸಂಜೆ ಕುಡಿಯುವುದು ಪೈಲ್ಸ್ನಲ್ಲಿ ಪ್ರಯೋಜನಕಾರಿಯಾಗಿದೆ.

8. ಮೂತ್ರಪಿಂಡದ ಉರಿಯೂತ ಕಡಿಮೆ ಮಾಡಲು ಸಹಕಾರಿ

ಮೂತ್ರಪಿಂಡದ ಉರಿಯೂತವನ್ನು ಕಡಿಮೆ ಮಾಡಲು ಕ್ಯಾಸ್ಟರ್ ಬೀಜವನ್ನು ಪುಡಿಮಾಡಿ. ಇದನ್ನು ಬಿಸಿ ಮಾಡಿ ಹೊಟ್ಟೆಯ ಅರ್ಧ ಭಾಗಕ್ಕೆ ಹಚ್ಚಿದರೆ ಊತ ಶಮನವಾಗುತ್ತದೆ.

9. ಕಣ್ಣಿನ ಸೌಂದರ್ಯಕ್ಕೆ ಹರಳೆಣ್ಣೆ ಸಹಕಾರಿ

ಕೆಲವು ಹನಿ ಕ್ಯಾಸ್ಟರ್ ಆಯಿಲ್ ಅನ್ನು ತೆಗೆದುಕೊಂಡು ಕಣ್ಣುಗಳ ಸುತ್ತಲೂ ನಿಧಾನವಾಗಿ ಮಸಾಜ್ ಮಾಡಿ, ಇದು ಉಬ್ಬುವ ಕಣ್ಣುಗಳಿಂದ ಪರಿಹಾರವನ್ನು ನೀಡುತ್ತದೆ.

10. ಸುಕ್ಕುಗಳ ನಿವಾರಣೆ

ಇದು ಮಾಯಿಶ್ಚರೈಸರ್ ಆಗಿ ಕಾರ್ಯನಿರ್ವಹಿಸುತ್ತದೆ. ಇದು ಅಕಾಲಿಕ ವಯಸ್ಸನ್ನು ತಡೆಯುತ್ತದೆ ಮತ್ತು ತ್ವಚೆಯ ಸುಕ್ಕುಗಳನ್ನು ತೆಗೆದುಹಾಕುತ್ತದೆ.

11. ಸಿಯಾಟಿಕಾದ ನೋವನ್ನು ಕಡಿಮೆ ಮಾಡುತ್ತದೆ

ಇದು ಸಿಯಾಟಿಕಾದ ನೋವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಸಿಯಾಟಿಕಾ ಎಂಬುದು ಒಂದು ನರ. ಇದರಲ್ಲಿ ಕೆಳ ಬೆನ್ನು ಮತ್ತು ಹಿಪ್ ಭಾಗ ಊದಿಕೊಂಡು ನೋವು ಉಂಟಾಗುತ್ತದೆ.

12. ಮುಟ್ಟಿನ ಸಮಸ್ಯೆಗೆ ಪರಿಹಾರ

ಪೀರಿಯೆಡ್ಸ್ ನೋವನ್ನು ಹೋಗಲಾಡಿಸಲು ಕ್ಯಾಸ್ಟರ್ ಎಲೆಗಳನ್ನು ಬಿಸಿ ಮಾಡಿ ಹೊಟ್ಟೆಯ ಮೇಲೆ ಕಟ್ಟುವುದು ಪ್ರಯೋಜನಕಾರಿಯಾಗಿದೆ. ಇದು ಮುಟ್ಟಿನ ಸಮಯದಲ್ಲಿ ಹೊಟ್ಟೆ ನೋವನ್ನು ನಿವಾರಣೆ ಮಾಡುತ್ತದೆ.

13. ನರಹುಲಿಗಳಿಗೆ ಮುಕ್ತಿ

– ಅಲೋವೆರಾ ರಸವನ್ನು ಕ್ಯಾಸ್ಟರ್ ಆಯಿಲ್‌ನೊಂದಿಗೆ ಬೆರೆಸಿ ಹಚ್ಚುವುದರಿಂದ ನರಹುಲಿಗಳ ಸುಡುವ ಸಂವೇದನೆಯಲ್ಲಿ ಪರಿಹಾರ ಸಿಗುತ್ತದೆ.

14. ದೇಹದ ಮಸಾಜ್

ಈ ಎಣ್ಣೆಯನ್ನು ದೇಹದ ಮಸಾಜ್‌ಗೆ ಬಳಸಬಹುದು. ಇದು ದೇಹಕ್ಕೆ ಹೊಳಪನ್ನು ನೀಡುತ್ತದೆ. ನರನಾಡಿಗಳನ್ನು ಸಡಿಲಗೊಳಿಸಿ, ಮೈ-ಕೈ ನೋವನ್ನು ಕಡಿಮೆ ಮಾಡುತ್ತದೆ.

15. ರೆಪ್ಪೆಗೂದಲುಗಳಿಗೆ

ರೆಪ್ಪೆಗೂದಲುಗಳನ್ನು ಸುಂದರವಾಗಿ, ದಪ್ಪವಾಗಿಸಲು, ಈ ಎಣ್ಣೆಯನ್ನು ಕಣ್ರೆಪ್ಪೆಗಳ ಮೇಲೆ ಅನ್ವಯಿಸಲಾಗುತ್ತದೆ. ಇದರಿಂದ ಕಣ್ಣು ತಂಪಾಗಿರುವುದು ಮಾತ್ರವಲ್ಲದೆ ಸುಂದರವಾದ ಕಣ್ರೆಪ್ಪೆಗಳು ಬೆಳೆಯುತ್ತವೆ.

ಹರಳೆಣ್ಣೆ ಬಳಕೆಯಿಂದಾಗುವ ಅಡ್ಡ ಪರಿಣಾಮಗಳು

ಕ್ಯಾಸ್ಟರ್ ಆಯಿಲ್ ಕೆಲವು ಸಂದರ್ಭಗಳಲ್ಲಿ ಹಾನಿಕಾರಕವಾಗಿದೆ. ಇದನ್ನು ಅತಿಯಾಗಿ ಸೇವಿಸುವುದರಿಂದ ವಾಂತಿ, ಭೇದಿ ಅಥವಾ ಹೊಟ್ಟೆ ಸೆಳೆತವೂ ಉಂಟಾಗಬಹುದು. ಇದು ಹೊಟ್ಟೆಗೂ ಹಾನಿಕಾರಕ. ಗರ್ಭಿಣಿಯರು ಅದರ ಬಳಕೆಯನ್ನು ತಪ್ಪಿಸಬೇಕು. ಗರ್ಭಾವಸ್ಥೆಯಲ್ಲಿ ನೀವು ಅದನ್ನು ಸೇವಿಸಲು ಬಯಸಿದರೆ ಅಥವಾ ಸಣ್ಣ ಮಗುವಿಗೆ ಕ್ಯಾಸ್ಟರ್ ಆಯಿಲ್ ನೀಡಲು ಬಯಸಿದರೆ, ನಂತರ ಅದನ್ನು ಸೇವಿಸುವ ಮೊದಲು ವೈದ್ಯರನ್ನು ಕೇಳಿ. ರಾತ್ರಿ ಮಲಗುವ ಮುನ್ನ ಇದನ್ನು ತೆಗೆದುಕೊಳ್ಳಬೇಡಿ. ಯಾಕೆಂದರೆ ಇದು ನಿಮ್ಮ ನಿದ್ರೆಗೆ ಭಂಗ ತರಬಹುದು.