ಹುಬ್ಬಳ್ಳಿ: ಉತ್ತರ ಪ್ರದೇಶದ ಪ್ರಯಾಗರಾಜ್‌ನಲ್ಲಿ ನಡೆಯುತ್ತಿರುವ ಮಹಾ ಕುಂಭ ಮೇಳ ಹಿನ್ನೆಲೆಯಲ್ಲಿ ಹುಬ್ಬಳ್ಳಿ – ತುಂಡ್ಲಾ ನಡುವೆ ವಿಶೇಷ ರೈಲು ಸಂಚರಿಸಲಿವೆ. ಮಾರ್ಗ ಮಧ್ಯೆಯ ಮಾಣಿಕ್‌ಪುರ್‌ ರೈಲು ನಿಲ್ದಾಣಕ್ಕೆ ಇಳಿದು ಕುಂಭಮೇಳ ನಡೆಯುತ್ತಿರುವ 125 ಕಿ.ಮೀ ದೂರದ ಪ್ರಯಾಗರಾಜ್‌ಗೆ (ಅಲಹಬಾದ್‌) ತೆರಳಬಹುದು.
ರೈಲು (07379) ಹುಬ್ಬಳ್ಳಿಯಿಂದ ಜನವರಿ 20 ರ ರಾತ್ರಿ 12.45 ಗಂಟೆಗೆ ಹೊರಟು ಜನವರಿ 22 ರಂದು ಮಧ್ಯಾಹ್ನ 2.30 ಕ್ಕೆ ಉತ್ತರ ಪ್ರದೇಶದ ತುಂಡ್ಲಾ ತಲುಪಲಿದೆ. ಅದೇ ರೈಲು (07380) ಜನವರಿ 23 ರ ಸಂಜೆ 4 ಗಂಟೆಗೆ ತುಂಡ್ಲಾದಿಂದ ಹೊರಟು ಜನವರಿ 25 ರ ಸಂಜೆ 6.40 ಗಂಟೆಗೆ ಹುಬ್ಬಳ್ಳಿಗೆ ಆಗಮಿಸಲಿದೆ.
ಇನ್ನೊಂದು ರೈಲು (07381) ಫೆಬ್ರವರಿ 6 ರ ರಾತ್ರಿ 8.10 ಕ್ಕೆ ಹುಬ್ಬಳ್ಳಿಯಿಂದ ಹೊರಟು ಫೆಬ್ರವರಿ 8 ರ ರಾತ್ರಿ 8.15ಕ್ಕೆ ತುಂಡ್ಲಾ ತಲುಪಲಿದೆ. ಅದೇ ರೈಲು (07382) ಫೆಬ್ರವರಿ 9 ರ ಸಂಜೆ 4.20 ಗಂಟೆಗೆ ತುಂಡ್ಲಾದಿಂದ ಹೊರಟು ಫೆಬ್ರವರಿ 11 ರ ಸಂಜೆ 6.40 ಗಂಟೆಗೆ ಹುಬ್ಬಳ್ಳಿಗೆ ಆಗಮಿಸಲಿದೆ.
ಎಲ್ಲೆಲ್ಲಿ ನಿಲುಗಡೆ?
ಈ ಎರಡೂ ರೈಲುಗಳು ಧಾರವಾಡ, ಬೆಳಗಾವಿ, ಘಟಪ್ರಭಾ, ಕುಡಚಿ, ಮೀರಜ್‌, ಸತಾರಾ, ಪುಣೆ, ದೌಂಡ್‌ ಕಾರ್ಡ್‌ ಲೈನ್‌, ಕೋಪರಗಾಂವ್‌, ಮನ್ಮಾಡ್‌, ಭೂಸಾವಲ್‌, ಖಾಂಡ್ವಾ, ಇಟಾರ್ಸಿ, ನರಸಿಂಗಪುರ, ಜಬಲ್‌ಪುರ್‌, ಕಟ್ನಿ, ಮೈಹಾರ, ಸತ್ನಾ, ಮಾಣಿಕ್‌ಪುರ್‌ ಮಾರ್ಗವಾಗಿ ಸಂಚರಿಸಲಿವೆ ಎಂದು ಪ್ರಕಟಣೆ ತಿಳಿಸಿದೆ.
