ನಟ ಪ್ರಮೋದ್‌ ಶೆಟ್ಟಿ ನಟನೆಯ ಹೊಸ ಸಿನಿಮಾವೊಂದು ಬಿಡುಗಡೆಯ ಹಂತಕ್ಕೆ ಬಂದಿದೆ. ಅದು ಜಲಂಧರ. ಈ ಚಿತ್ರ ಇಂದು (ನ.29 ರಂದು) ತೆರೆಕಾಣುತ್ತಿದೆ. ವಿಷ್ಣು ವಿ ಪ್ರಸನ್ನ ಈ ಚಿತ್ರದ ನಿರ್ದೇಶಕರು.
ಚಿತ್ರದಲ್ಲಿ ಸ್ಟೆಪ್‌ ಆಫ್ ಲೋಕಿ ಕೂಡಾ ಪ್ರಮುಖ ಪಾತ್ರ ಮಾಡಿದ್ದಾರೆ. ಜಲದ ಬಗೆಗಿನ ಕಥಾಹಂದರ ಹೊಂದಿರುವ ಈ ಚಿತ್ರಕ್ಕೆ ಚಿತ್ರಕಥೆ ಬರೆದು ನಿರ್ದೇಶನ ಮಾಡಿದ್ದಾರೆ ವಿಷ್ಣು ವಿ ಪ್ರಸನ್ನ. ಚಿತ್ರಕ್ಕೆ ಸ್ಟೆಪ್‌ ಅಫ್ ಲೋಕಿಯವರ ಕತೆ ಹಾಗು ಶ್ಯಾಮ್‌ ಸುಂದರ್‌ ಅವರ ಸಂಭಾಷಣೆ ಚಿತ್ರಕ್ಕಿದೆ.
ಮದನ್‌ ಎಸ್‌ ನಿರ್ಮಿಸಿರುವ ಈ ಚಿತ್ರಕ್ಕೆ ಚಂದ್ರಮೋಹನ್‌ ಸಿ ಎಲ್.ರಮೇಶ್‌ ರಾಮಚಂದ್ರ , ಪದ್ಮನಾಭನ್‌ ಮಂಗುದೊಡ್ಡಿ ಅವರ ಸಹ ನಿರ್ಮಾಣವಿದೆ. ಕೇರಳ ಮೂಲದ ಸರಿನ್‌ ರವೀಂದ್ರನ್‌ ಮತ್ತು ವಿದ್ಯಾ ಶಂಕರ್‌ ಪಿ ಎಸ್‌ ಛಾಯಾಗ್ರಹಣ, ಜಿ. ಜತಿನ್‌ ದರ್ಶನ್‌ ಸಂಗೀತ ನಿರ್ದೇಶನ ಹಾಗೂ ವೆಂಕಿ ಯು ಡಿ ವಿ ಸಂಕಲನವಿರುವ ಈ ಚಿತ್ರದ ತಾರಾಬಳಗದಲ್ಲಿ ಪ್ರಮೋದ್‌ ಶೆಟ್ಟಿ, ಸ್ಟೆಪ್‌ ಆಫ್ ಲೋಕಿ, ರುಷಿಕಾ ರಾಜ್‌ (ಟಗರು ಸರೋಜ), ಆರೋಹಿತಾ ಗೌಡ ನಟಿಸಿದ್ದಾರೆ.
