ಡೆಹ್ರಾಡೂನ್ : ಸಂಘವು ಹಿಂದುತ್ವ ರಾಜಕೀಯವನ್ನು ಅನುಸರಿಸುವುದಿಲ್ಲ, ಬದಲಿಗೆ ವೈಯಕ್ತಿಕ ಅಭಿವೃದ್ಧಿಯ ಮೂಲಕ ಬಲವಾದ ಸಮಾಜ ಮತ್ತು ರಾಷ್ಟ್ರವನ್ನು ನಿರ್ಮಿಸುವಲ್ಲಿ ನಂಬಿಕೆ ಇಡುತ್ತದೆ ಎಂದು ಆರ್ಎಸ್ಎಸ್ ಮುಖ್ಯಸ್ಥ ಮೋಹನ್ ಭಾಗವತ್ ಹೇಳಿದ್ದಾರೆ.
ಈ ಬಗ್ಗೆ ಸಂಘ 100 ವರ್ಷಗಳನ್ನು ಪೂರೈಸಿದ ನೆನಪಿಗಾಗಿ ಇಲ್ಲಿ ಆಯೋಜಿಸಲಾದ ಕಾರ್ಯಕ್ರಮದಲ್ಲಿ ಭಾಗವತ್ ಈ ವಿಷಯ ಕುರಿತು ಮಾತನಾಡಿದ್ದು, ಸಂಘದ ಉದ್ದೇಶ ವೈಯಕ್ತಿಕ ಅಭಿವೃದ್ಧಿ, ಏಕೆಂದರೆ ಬಲವಾದ ವ್ಯಕ್ತಿಗಳು ಮಾತ್ರ ಬಲವಾದ ಸಮಾಜ ಮತ್ತು ರಾಷ್ಟ್ರವನ್ನು ನಿರ್ಮಿಸಬಹುದು ಎಂದರಲ್ಲದೆ, ಸಂಘದ ವಾಸ್ತವತೆಯನ್ನು ಹೊರಗಿನಿಂದ ಅರ್ಥಮಾಡಿಕೊಳ್ಳಲು ಸಾಧ್ಯವಿಲ್ಲ ಎಂದು ಒತ್ತಿ ಹೇಳಿದರು.
ಕೆಲವರು ಸಂಘವನ್ನು ಅರೆಸೈನಿಕ ಸಂಘಟನೆ ಎಂದು ತಪ್ಪಾಗಿ ಭಾವಿಸುತ್ತಾರೆ, ಇತರರು ಸೇವಾ ವಲಯದ ಸಂಘಟನೆ ಎಂದು ತಪ್ಪಾಗಿ ಭಾವಿಸುತ್ತಾರೆ, ಆದರೆ ಸಂಘವು ಈ ಗಡಿಗಳನ್ನು ಮೀರಿ ಕೆಲಸ ಮಾಡುವ ಸಾಮಾಜಿಕ ಶಕ್ತಿಯಾಗಿದೆ ಎಂದು ಹೇಳಿದರು.
ಮುಂದುವರೆದು, ತಾಯ್ನಾಡಿನ ಮೇಲಿನ ಭಕ್ತಿ ಅತ್ಯಗತ್ಯ. ಸತ್ಯಕ್ಕಿಂತ ಹೆಚ್ಚಾಗಿ ಜಗತ್ತು ಶಕ್ತಿಯನ್ನು ಅರ್ಥಮಾಡಿಕೊಳ್ಳುತ್ತದೆ; ಆದ್ದರಿಂದ, ಅಧಿಕಾರವನ್ನು ಪಡೆಯುವುದು ಅತ್ಯಗತ್ಯ, ಆದರೆ ಅದರ ಬಳಕೆಯನ್ನು ನಿರ್ಬಂಧಿಸಬೇಕು ಎಂದು ಹೇಳಿದರು.
ಅಲ್ಲದೆ ಜನಸಂಖ್ಯೆಯನ್ನು ಹೊರೆ ಮತ್ತು ಸಂಪನ್ಮೂಲ ಎರಡನ್ನೂ ನೋಡುವ ಅಗತ್ಯವನ್ನು ಒತ್ತಿ ಹೇಳಿದರಲ್ಲದೆ, ಮಹಿಳೆಯರ ಪಾತ್ರದ ಬಗ್ಗೆ, ಭಾಗವತ್ ಮಹಿಳೆಯರು ಸಂಪೂರ್ಣವಾಗಿ ಸ್ವತಂತ್ರರು ಮತ್ತು ದೇಶದ ಆಡಳಿತದಲ್ಲಿ ಅವರ ಭಾಗವಹಿಸುವಿಕೆ ಶೇಕಡಾ 33 ಕ್ಕೆ ಸೀಮಿತವಾಗಿರದೆ ಶೇಕಡಾ 50 ರಷ್ಟಿರಬೇಕು ಎಂದರು.
ಉತ್ತರಾಖಂಡದ ನದಿಗಳು ಮತ್ತು ಪರಿಸರ ಸಂರಕ್ಷಣೆಯಲ್ಲಿ ಸಂಘಟಿತ ನೀತಿ ಮತ್ತು ಸ್ಥಳೀಯ ಭಾಗವಹಿಸುವಿಕೆಯ ಅಗತ್ಯವನ್ನು ಹಾಗೂ ಮೀಸಲಾತಿ, ವರ್ಗೀಕರಣ ಮತ್ತು ಏಕರೂಪ ನಾಗರಿಕ ಸಂಹಿತೆಯಂತಹ ವಿಷಯಗಳ ಕುರಿತು, ಸಮಾಜವು ದೃಢತೆ ಮತ್ತು ಸಾಮರಸ್ಯದಿಂದ ಕೆಲಸ ಮಾಡಬೇಕು ಮತ್ತು ವಿಭಜಕ ಮನಸ್ಥಿತಿಯನ್ನು ನಿವಾರಿಸಬೇಕು ಎಂದು ಹೇಳಿದರು.
