ಶಿವಮೊಗ್ಗ: ಆನೆ ಬಿಡಾರದಲ್ಲಿ ಪ್ರಿ ವೆಡ್ಡಿಂಗ್ ಫೋಟೋ ಶೂಟ್ ವೇಳೆ ಆನೆಯ ಮೇಲಿಂದ ಮಾವುತ ಕೆಳಗೆ ಬಿದ್ದ ಘಟನೆ ತಾಲೂಕಿನ ಸಕ್ರೆಬೈಲು ಆನೆ ಬಿಡಾರದಲ್ಲಿ ಸಂಭವಿಸಿದೆ.
ಷಂಶುದ್ದೀನ್ ಗಾಯಗೊಂಡಿರುವ ಮಾವುತ.
ಬಿಡಾರದಲ್ಲಿ ಪ್ರಿ ವೆಡ್ಡಿಂಗ್ ಶೂಟ್ ನಡೆಯುತ್ತಿತ್ತು. ಈ ವೇಳೆ ಕುಂತಿ ಆನೆ ಮೇಲೆ ಮಾವುತ ಷಂಶುದ್ದೀನ್ ಕುಳಿತಿದ್ದರು. ಈ ವೇಳೆ ಅಲ್ಲೇ ದೂರದಲ್ಲಿದ್ದ ಮರಿಯಾನೆ ತಾಯಿಯತ್ತ ಓಡಿ ಬಂತು, ಈ ವೇಳೆ ಕುಂತಿ ಆನೆ ವಿಚಲಿತಗೊಂಡು ತಿರುಗಿತು. ಈ ವೇಳೆ ಆನೆ ಮೇಲಿಂದ ಮಾವುತ ಆಯತಪ್ಪಿ ಕೆಳಗೆ ಬಿದ್ದಿದ್ದಾರೆ.
ಮಾವುತ ಬೀಳುತ್ತಿದ್ದಂತೆ ಫೊಟೋ ಶೂಟ್ ನಲ್ಲಿದ್ದ ಯುವಕ- ಯುವತಿ ಸೇರಿ ಅಲ್ಲಿದ್ದವರು ಗಾಬರಿಗೊಂಡರು. ಈ ಘಟನೆಯಿಂದ ಬಿಡಾರದಲ್ಲಿ ಕೆಲಹೊತ್ತು ಗೊಂದಲ ವಾತಾವರಣ ಸೃಷ್ಠಿಯಾಯಿತು.
ಆನೆ ಮೇಲಿನಿಂದ ಬಿದ್ದ ಮಾವುತನನ್ನು ಶಿವಮೊಗ್ಗದ ಮೆಗ್ಗಾನ್ ಆಸ್ಪತ್ರೆಗೆ ಚಿಕಿತ್ಸೆಗೆ ದಾಖಲಿಸಲಾಗಿದೆ. ಮಾವುತ ಷಂಶುದ್ದೀನ್ ಕೈ ಮೂಳೆಯ ಭಾಗಕ್ಕೆ ಪೆಟ್ಟಾಗಿದ್ದು, ಎರಡು ದಿನದ ಬಳಿಕ ಕೈ ಮೂಳೆ ಆಪರೇಶನ್ ಗೆ ವೈದ್ಯರು ನಿರ್ಧರಿಸಿದ್ದಾರೆ.
ವನ್ಯಜೀವಿ ವಿಭಾಗದ ಅಧಿಕಾರಿಗಳು ಆಸ್ಪತ್ರೆಗೆ ಭೇಟಿ ನೀಡಿ, ಮಾವುತನ ಆರೋಗ್ಯ ವಿಚಾರಿಸಿದ್ದಾರೆ.
