ನವದೆಹಲಿ: ದೆಹಲಿಯ ಸರೈ ರೋಹಿಲ್ಲಾದ ವಸತಿ ಕಾಲೋನಿ ಸಮೀಪ ರೈಲಿನ ಹತ್ತು ಬೋಗಿ ಹಳಿ ತಪ್ಪಿ ಬಿದ್ದಿರುವ ಘಟನೆ ಶನಿವಾರ (ಫೆ.17) ನಡೆದಿರುವುದಾಗಿ ವರದಿ ತಿಳಿಸಿದೆ.
ಉತ್ತರ ದೆಹಲಿಯ ಝಾಕ್ರಿಯಾ ಫ್ಲೈಓವರ್‌ ಸಮೀಪದ ಪಟೇಲ್‌ ನಗರ್-ದಯಾಬಸ್ತಿ ಸೆಕ್ಸನ್‌ ಸ್ಥಳದಲ್ಲಿ ಈ ಘಟನೆ ನಡೆದಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.
ಹತ್ತು ಬೋಗಿ ಹಳಿ ತಪ್ಪಿ ಬಿದ್ದಿರುವುದರ ಪರಿಣಾಮ ಪ್ರಯಾಣಿಕರು ಗಾಯಗೊಂಡಿರುವ ಸಾಧ್ಯತೆ ಇದೆ ಎನ್ನಲಾಗಿದ್ದು, ಈ ಬಗ್ಗೆ ಇನ್ನಷ್ಟೇ ರೈಲ್ವೆ ಅಧಿಕಾರಿಗಳು ಮಾಹಿತಿ ನೀಡಬೇಕಾಗಿದೆ ಎಂದು ವರದಿಯಾಗಿದೆ.
ಪ್ರಯಾಣಿಕರ ರಕ್ಷಣೆಗಾಗಿ ಘಟನಾ ಸ್ಥಳಕ್ಕೆ ರೈಲ್ವೆ ಮತ್ತು ಅಗ್ನಿಶಾಮಕ ದಳದ ಸಿಬಂದಿಗಳು ದೌಡಾಯಿಸಿರುವುದಾಗಿ ಪೊಲೀಸ್‌ ಅಧಿಕಾರಿಗಳು ತಿಳಿಸಿದ್ದಾರೆ.
ಹೆಚ್ಚಿನ ಮಾಹಿತಿ ಇನ್ನಷ್ಟೇ ಲಭಿಸಬೇಕಾಗಿದೆ.
