ಮುಂಬೈ : ಆದಿತ್ಯ ಧರ್ ನಿರ್ದೇಶನದ, ರಣವೀರ್ ಸಿಂಗ್ ನಟನೆಯ ಸ್ಪೈ ಥ್ರಿಲ್ಲರ್ ‘ಧುರಂಧರ್ 2’ ಚಿತ್ರವು ಚಿತ್ರಮಂದಿರಗಳಲ್ಲಿ ಭರ್ಜರಿ ಪ್ರದರ್ಶನ ಕಾಣುತ್ತಿದೆ. ಬಿಡುಗಡೆಯಾಗಿ 5 ವಾರಗಳು ಕಳೆದಿದ್ದರೂ ಸಹ, ಹೊಸ ಸಿನಿಮಾಗಳ ಪೈಪೋಟಿಯ ನಡುವೆ ಈ ಚಿತ್ರವು ಬಾಕ್ಸ್ ಆಫೀಸ್ನಲ್ಲಿ ಗಟ್ಟಿಯಾಗಿ ನೆಲೆಯೂರಿದೆ.
36ನೇ ದಿನದ ಕಲೆಕ್ಷನ್ ಎಷ್ಟು?
ವರದಿಗಳ ಪ್ರಕಾರ, ‘ಧುರಂಧರ್ 2’ ತನ್ನ ಬಿಡುಗಡೆಯ 36ನೇ ದಿನ (5ನೇ ಗುರುವಾರ) 1.40 ಕೋಟಿ ರೂಪಾಯಿ ಗಳಿಕೆ ಮಾಡಿದೆ. ಇದರೊಂದಿಗೆ ಚಿತ್ರದ ಒಟ್ಟು ಬಾಕ್ಸ್ ಆಫೀಸ್ ಕಲೆಕ್ಷನ್ ವಿವರ ಹೀಗಿದೆ :
ಒಟ್ಟು ನೆಟ್ ಕಲೆಕ್ಷನ್ (ಭಾರತ): 1,122.49 ಕೋಟಿ ರೂ. ಒಟ್ಟು ಗ್ರಾಸ್ ಕಲೆಕ್ಷನ್ (ಭಾರತ): 1,343.27 ಕೋಟಿ ರೂ. 5ನೇ ವಾರದ ಒಟ್ಟು ಗಳಿಕೆ: 19.37 ಕೋಟಿ ರೂ.
‘ಭೂತ್ ಬಂಗ್ಲಾ’ ಪೈಪೋಟಿ ನಡುವೆಯೂ ಸಾಧನೆ
ಅಕ್ಷಯ್ ಕುಮಾರ್ ಅಭಿನಯದ ‘ಭೂತ್ ಬಂಗ್ಲಾ’ ಚಿತ್ರ ಬಿಡುಗಡೆಯಾದ ಕಾರಣ ಧುರಂಧರ್ 2 ಗಳಿಕೆಯಲ್ಲಿ ಸ್ವಲ್ಪ ಇಳಿಮುಖ ಕಂಡುಬಂದಿದೆ. ಆದರೂ, 5ನೇ ವಾರದಲ್ಲಿ 19 ಕೋಟಿಗೂ ಅಧಿಕ ಹಣ ಗಳಿಸುವ ಮೂಲಕ ಸಿನಿಮಾ ತನ್ನ ಸ್ಟಾರ್ ಪವರ್ ಸಾಬೀತುಪಡಿಸಿದೆ.
ಟಾಪ್ 5 ಪಟ್ಟಿಯಲ್ಲಿ ಧುರಂಧರ್ 2
5ನೇ ವಾರದಲ್ಲಿ ಅತಿ ಹೆಚ್ಚು ಗಳಿಕೆ ಮಾಡಿದ ಬಾಲಿವುಡ್ ಚಿತ್ರಗಳ ಪಟ್ಟಿಯಲ್ಲಿ ‘ಧುರಂಧರ್ 2’ ಸ್ಥಾನ ಪಡೆದಿದೆ. ಆದರೆ, ಕೆಲವು ದಾಖಲೆಗಳನ್ನು ಮುರಿಯಲು ಈ ಚಿತ್ರಕ್ಕೆ ಸಾಧ್ಯವಾಗಿಲ್ಲ.
5ನೇ ವಾರದಲ್ಲಿ ಅತಿ ಹೆಚ್ಚು ಗಳಿಸಿದ ಟಾಪ್ ಸಿನಿಮಾಗಳು:
ಧುರಂಧರ್ (ಭಾಗ 1): 56.35 ಕೋಟಿ ರೂ., ಛಾವಾ: 31.02 ಕೋಟಿ ರೂ., ಸ್ತ್ರೀ 2: 25.72 ಕೋಟಿ ರೂ., ಪುಷ್ಪ 2: 20.50 ಕೋಟಿ ರೂ., ಧುರಂಧರ್ 2: 19.37 ಕೋಟಿ ರೂ.
ಈ ಪಟ್ಟಿಯಲ್ಲಿ ಧುರಂಧರ್ 2 ಐದನೇ ಸ್ಥಾನದಲ್ಲಿದ್ದರೂ, ‘ಆರ್ ಆರ್ ಆರ್’, ‘ಬಾಹುಬಲಿ 2’ ಮತ್ತು ‘ಕೆಜಿಎಫ್ 2’ ನಂತಹ ದೈತ್ಯ ಸಿನಿಮಾಗಳ 5ನೇ ವಾರದ ಕಲೆಕ್ಷನ್ ಅನ್ನು ಹಿಂದಿಕ್ಕಿರುವುದು ವಿಶೇಷ.
ರಣವೀರ್ ಸಿಂಗ್ ಅಭಿನಯದ ಈ ಸಿನಿಮಾ ಈಗಾಗಲೇ 1,100 ಕೋಟಿ ರೂಪಾಯಿಗಳ ಗಡಿಯನ್ನು ದಾಟಿದ್ದು, ಈ ವರ್ಷದ ಅತಿದೊಡ್ಡ ಬ್ಲಾಕ್ ಬಸ್ಟರ್ ಗಳಲ್ಲಿ ಒಂದಾಗಿ ಹೊರಹೊಮ್ಮಿದೆ. (ಏಜೆನ್ಸಿಸ್)
