ಪ್ರತಿದಿನ ಸರ್ವಜ್ಞನ ಒಂದು ವಚನಗಳನ್ನು ಮಕ್ಕಳಿಗೆ ಬೋಧಿಸುವಂತೆ ಮನವಿ
ಮೈಸೂರು: ನಗರದ ತ್ಯಾಗರಾಜ ರಸ್ತೆಯಲ್ಲಿರುವ ಅಕ್ಕನ ಬಳಗ ಶಾಲೆಯಲ್ಲಿ ಮಾತೃಭೂಮಿ ಸೇವಾ ಟ್ರಸ್ಟ್ ಹಾಗೂ ಮೈಸೂರು ಜಿಲ್ಲಾ ಕುಂಬಾರರ ಜಾಗೃತಿ ವೇದಿಕೆ ವತಿಯಿಂದ ತ್ರಿಪದಿ ಕವಿ ಸರ್ವಜ್ಞ ಜಯಂತಿಯ ಅಂಗವಾಗಿ
ಶಾಲೆಗೆ ಸರ್ವಜ್ಞ ವಚನಗಳ ಪುಸ್ತಕವನ್ನು ನೀಡಿ ಪ್ರತಿದಿನ ಸರ್ವಜ್ಞ ಒಂದು ವಚನಗಳನ್ನು ಮಕ್ಕಳಿಗೆ ಬೋಧಿಸುವಂತೆ ಶಿಕ್ಷಕರಲ್ಲಿ ಮನವಿ ಮಾಡಿದರು.
ಮೈಸೂರು ಜಿಲ್ಲಾ ಕುಂಬಾರರ ಜಾಗೃತಿ ವೇದಿಕೆ ಯದುನಂದ ಮಾತನಾಡಿ, ಶಾಲೆಯ ಶಿಕ್ಷಕರು ಶಿಲ್ಪಿಗಳಿಂದಂತೆ, ಮಕ್ಕಳು ಒಂದು ಶಿಲೆಯಂತೆ, ಜೀವನ ರೂಪಿಸಲು ಸರ್ವಜ್ಞ ವಚನಗಳನ್ನು ದಿನಕ್ಕೊಂದು ವಚನದಂತೆ ಮಕ್ಕಳಿಗೆ ಭೋದಿಸಬೇಕು ಹಾಗೂ ಪತ್ರಿಕೆಗಳಲ್ಲೂ ಸಹ ದಿನಕ್ಕೊಂದು ಸರ್ವಜ್ಞರ ವಚನ ಬಿತ್ತರಗೊಳ್ಳಬೇಕು ಎಂದು ಕರೆ ನೀಡಿದರು.
ನಂತರ ಮಾತನಾಡಿದ ಸಮಾಜ ಸೇವಕ ಯಶ್ವಂತ್ ಜಗತ್ತಿನ ಮಹಾ ಜ್ಞಾನಿಗಳಲ್ಲಿ ಒಬ್ಬರಾದ ಸರ್ವಜ್ಞರು ಯಾವ ಜಾತಿ ಧರ್ಮಕ್ಕೂ ಸೀಮಿತರಾಗದೆ ವಿಶ್ವಮಾನರಾದರು. ತಮ್ಮ ತ್ರಿಪದಿಗಳ ಮೂಲಕ ನೇರವಾಗಿ ಮಾನವ ಸಂಕುಲಕ್ಕೆ ಬೇಕಾದ ಎಲ್ಲಾ ವಿಷಯಗಳನ್ನು ತಿಳಿಸಿದ್ದಾರೆ ಮತ್ತು ತ್ರಿಪದಿ ಗಳನ್ನು ಓದುವದರಿಂದ ನಮ್ಮ ಜ್ಞಾನ ಭಂಢಾರ ಹೆಚ್ಚುತ್ತದೆ ಎಂದು ತಿಳಿಸಿದರು.
ಮೈಸೂರು ಜಿಲ್ಲಾ ಕುಂಬಾರರ ಜಾಗೃತಿ ವೇದಿಕೆ ಸಂಘಟನಾ ಕಾರ್ಯದರ್ಶಿ ಯದುನಂದ, ಮಾತೃಭೂಮಿ ಸೇವಾ ಟ್ರಸ್ಟ್ ಕಾರ್ಯದರ್ಶಿ ಸಿದ್ದಮಲ್ಲೇಶ್, ನಾಗರಾಜು, ಯಶ್ವಂತ್, ಶಾಲೆಯ ಮುಖ್ಯ ಶಿಕ್ಷಕರಾದ ಸುಗುಣಾವತಿ, ಹಾಗೂ ಶಿಕ್ಷಕ ವೃಂದದವರು ಹಾಜರಿದ್ದರು.
