ತೂಕದಲ್ಲಿ ಕ್ಯಾಪ್ಟನ್ ಅಭಿಮನ್ಯುವೇ ನಂಬರ್ ಒನ್!
ಮೈಸೂರು: ವಿಶ್ವ ವಿಖ್ಯಾತ ಮೈಸೂರು ದಸರಾ ಮಹೋತ್ಸವ 2024 ಇನ್ನೇನು ಕೆಲವೇ ತಿಂಗಳು ಬಾಕಿ ಇದೆ. ದಸರಾಗೆ ಬಂದಿರುವ ಆನೆಗಳಿಗೆ ತೂಕ ಪರೀಕ್ಷೆ ಮಾಡಲಾಗಿದೆ.
ಮೈಸೂರಿನ ಧನ್ವಂತರಿ ರಸ್ತೆಯಲ್ಲಿರುವ ಸಾಯಿರಾಂ ಅಂಡ್ ಕೊ. ಎಲೆಕ್ಟ್ರಿಕ್ ತೂಕ ಮಾಪನ ಕೇಂದ್ರದಲ್ಲಿ ಆನೆಗಳ ತೂಕ ಪರೀಕ್ಷೆ ಮಾಡಲಾಗಿದೆ. ಕ್ಯಾಪ್ಟನ್ ಅಭಿಮನ್ಯು ನೇತೃತ್ವದ ಎಲ್ಲಾ 9 ಆನೆಗಳ ತೂಕ ಪರೀಕ್ಷೆ ನೆರವೇರಿದೆ.
ಇನ್ನು ಗಜಪಡೆಗಳ ತೂಕದ ವಿಚಾರವಾಗಿ ಅಭಿಮನ್ಯು ಅತಿ ಹೆಚ್ಚು ತೂಕವನ್ನು ಹೊಂದಿದೆ. 2ನೇ ಸ್ಥಾನದಲ್ಲಿ ಧನಂಜಯ್ ಆನೆ ಕಾಣಿಸಿಕೊಂಡಿದೆ.
ಗಜಪಡೆಗಳ ತೂಕ ಮತ್ತು ಆರೋಗ್ಯದ ಬಗ್ಗೆ ಇಲ್ಲಿದೆ ಮಾಹಿತಿ
- ಅಭಿಮನ್ಯು : 5560 ಕೆಜಿ ತೂಕ
- ಧನಂಜಯ : 5155 ಕೆಜಿ ತೂಕ
- ಗೋಪಿ : 4970 ಕೆಜಿ ತೂಕ
- ಭೀಮ : 4945 ಕೆಜಿ ತೂಕ
- ಏಕಲವ್ಯ : 4730 ಕೆಜಿ ತೂಕ
- ಕಂಜನ್ : 4515 ಕೆಜಿ ತೂಕ
- ರೋಹಿತ್ : 3625 ಕೆಜಿ ತೂಕ
- ವರಲಕ್ಷ್ಮಿ : 3495 ಕೆಜಿ ತೂಕ
- ಲಕ್ಷ್ಮಿ : 2480 ಕೆಜಿ ತೂಕ
ಡಿಸಿಎಫ್ ಪ್ರಭುಗೌಡ ದಸರಾಗೆ ಬಂದ ಗಜಪಡೆಗಳ ಕುರಿತು ಮಾತನಾಡಿದ್ದು, ಆನೆಗಳ ತೂಕ ಮಾತ್ರವಲ್ಲದೆ, ಆರೋಗ್ಯದ ಬಗ್ಗೆ ಗಮನ ಹರಿಸಲಾಗುತ್ತಿದೆ. ಆನೆಗಳ ತೂಕದ ಮೇಲೆ ಪೌಷ್ಟಿಕ ಆಹಾರ ನೀಡಲಾಗುತ್ತದೆ. ದಸರಾಗೆ ಮುನ್ನ ಮತ್ತೆ ಆನೆಗಳ ತೂಕ ಪರೀಕ್ಷೆ ಮಾಡ್ತೀವಿ. ಎಲ್ಲ ಆನೆಗಳ ಆರೋಗ್ಯ ಚೆನ್ನಾಗಿದೆ. ನಾಳೆಯಿಂದಲೇ ತಾಲೀಮು ಆರಂಭವಾಗುತ್ತದೆ ಎಂದು ಹೇಳಿದ್ದಾರೆ.
