ಮಂಡ್ಯ :  ಮಂಡ್ಯದ ಮಳವಳ್ಳಿಯ KSRTC ಬಸ್ ಚಾಲಕ ಗಿರೀಶ ಅವರು ತಮ್ಮ ಬಸ್‌ ಚಾಲಕ  ಕಾಯಕದ ಜೊತೆ ಕನ್ನಡ ಪ್ರೇಮ ಮೆರೆಯುತ್ತಿದ್ದಾರೆ. ವೃತ್ತಿಯಲ್ಲಿ ಮೈಸೂರು ಡಿಪೋದ KSRTC ಬಸ್ ಚಾಲಕನಾಗಿ ಕೆಲಸ ಮಾಡುತ್ತಿರುವ ಇವರು ಈ ಚಾಲಕ ವೃತ್ತಿಯ ಜೊತೆಗೆ ರಾಜ್ಯದ್ಯಂತ ತನ್ನ ಈ ಬಸ್ ನ ಮೂಲಕ ಕನ್ನಡದ ಕಂಪು ಪಸರಿಸಿದ್ದಾರೆ. ತಾನು ಓಡಿಸುವ ಈ KSRTC ಬಸ್‌ ಗೆ ಕನ್ನಡ ಬಾವುಟ ಕಟ್ಟಿ ಅಲಂಕಾರ ಮಾಡಿದ್ದಾರೆ. ಈ ಬಸ್ ನ ಮುಂಭಾಗ ಕನ್ನಡಾಂಬೆಯನ್ನು ಪ್ರತಿಷ್ಠಾಪನೆ ಮಾಡಿ  ಆಸನಗಳಿಗೂ ಕನ್ನಡ ಬಾವುಟದ ಹೊದಿಕೆ ಹೊದೆಸಿದ್ದಾರೆ. ಬಸ್ ಒಳಾಂಗಣದಲ್ಲಿ ಕನ್ನಡದ  ಸಾಹಿತಿಗಳ ಮತ್ತು‌ ಸಾಧನೆಗೈದವರ ಪೋಟೋ ಅಳವಡಿಸಿದ್ದಾರೆ. ಬಸ್ ಗಳ ಒಳಗೆ ಕನ್ನಡದ ಸೂಕ್ತಿ ಮತ್ತು ಗಾದೆಗಳ ಬರವಣಿಗೆಯ ಸ್ಟಿಕ್ಕರ್ ಅಂಟಿಸಿದ್ದಾರೆ. ಬಸ್ ನ ತುಂಬೆಲ್ಲಾ ರಾಜ್ಯದ  ಜಿಲ್ಲೆಗಳ ಕುರಿತ ಮಾಹಿತಿ ನೀಡುವ ಫ್ಲಾಶ್‌ ಕಾರ್ಡ್‌ ಅಳವಡಿಸಿದ್ದಾರೆ. ನಿತ್ಯ ದೇವಿಗೆ ಪೂಜೆ ಮಾಡ್ತಾ, ದಿನವಿಡಿ ಈ ಬಸ್ ನಲ್ಲಿ ಕನ್ನಡ ಹಾಡುಗಳನ್ನೆ‌ ಹಾಕ್ತಾ ಕಿವಿ ತಂಪು ಮಾಡ್ತಾನೆ ಸಂಚರಿಸುತ್ತಿದ್ದಾರೆ. ಖುದ್ದು ತನ್ನ ಸಮವಸ್ತ್ರದ ಜೊತೆ ಕನ್ನಡ ಧ್ವಜ ಬಣ್ಣದ ಶಾಲಿನೊಂದಿಗೆ ಕನ್ನಡದ ಬಗ್ಗೆ ಅಭಿಮಾನ ಪ್ರಕಟಿಸುತ್ತಿದ್ದಾರೆ. ಜೀವ ಇರುವವರೆಗೂ ಕನ್ನಡ ಉಳಿಸುವ ಕೆಲಸಕ್ಕೆ ಸದಾ ಸಿದ್ದ ಎನ್ನುವ ಈ  ಕನ್ನಡ ಪ್ರೇಮದ ಚಾಲಕನಿಗೆ, ಈ ಅಪ್ಪಟ ಕನ್ನಡಿಗನ ಕನ್ನಡ ಪ್ರೇಮಕ್ಕೆ ಹಲವು ಕನ್ನಡ ಪರ ಸಂಘಟನೆ ಗಳು, ಸಾರ್ವಜನಿಕರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.