ನವದೆಹಲಿ :  ಪ್ರಧಾನಿ ನರೇಂದ್ರ ಮೋದಿಯವರ 'ದಿಮಾಗಿ ನಕ್ಸಲ್'  ಹೇಳಿಕೆಗೆ ರಾಷ್ಟ್ರೀಯ ಜನತಾ ದಳದ (RJD) ನಾಯಕ ತೇಜಸ್ವಿ ಯಾದವ್ ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದು, ಭಾರೀ ವಾಗ್ದಾಳಿ ನಡೆಸಿದ್ದಾರೆ.ಸೋಮವಾರ   ಮಾಧ್ಯಮಗಳೊಂದಿಗೆ ಮಾತನಾಡಿದ ಬಿಹಾರದ ವಿರೋಧ ಪಕ್ಷದ ನಾಯಕ ತೇಜಸ್ವಿ ಯಾದವ್, "ದೇಶದಿಂದ ನಿರುದ್ಯೋಗವನ್ನು ಏಕೆ ಹೋಗಲಾಡಿಸಲು ಸಾಧ್ಯವಾಗುತ್ತಿಲ್ಲ? ನೀವು ಹಣದುಬ್ಬರವನ್ನು 4 ಪಟ್ಟು ಹೆಚ್ಚಿಸಿದ್ದೀರಿ. ಚೀನಾ ನಿರಂತರವಾಗಿ ನಮ್ಮ ದೇಶದೊಳಗೆ ನುಗ್ಗುತ್ತಲೇ ಇದೆ" ಎಂದು ಹರಿಹಾಯ್ದರು. "ರೂಪಾಯಿ ಮೌಲ್ಯ ನಿರಂತರವಾಗಿ ಕುಸಿಯುತ್ತಿದ್ದು, ಡಾಲರ್ ಬಲಗೊಳ್ಳುತ್ತಿದೆ. ಬಿಹಾರದಲ್ಲಿ ನೀವು ಏಕೆ ಕಾರ್ಖಾನೆಗಳನ್ನು ಸ್ಥಾಪಿಸಲಿಲ್ಲ? ಇವೆಲ್ಲದರ ಬಗ್ಗೆ ನೀವು ಗಮನ ಹರಿಸಿದ್ದರೆ, ಇಂದು ನೀವು ಯಾರನ್ನು 'ದಿಮಾಗಿ ನಕ್ಸಲ್' ಎಂದು ಕರೆಯುತ್ತಿದ್ದೀರೋ, ಅವರು ಇಂದು ನಿಮ್ಮನ್ನು ಪ್ರಶ್ನಿಸುತ್ತಿರಲಿಲ್ಲ" ಎಂದು ತೇಜಸ್ವಿ ಯಾದವ್ ತೀವ್ರವಾಗಿ ತರಾಟೆಗೆ ತೆಗೆದುಕೊಂಡರು.