ಕಾರ್ಕಳ:  ಬೆಂಗಳೂರು ವಿಶ್ವವಿದ್ಯಾಲಯದ ವಿಶ್ರಾಂತ ಉಪಕುಲಪತಿ,ಹಿರಿಯ ಶಿಕ್ಷಣ ತಜ್ಞ, ಡಾ. ಎನ್. ಆರ್. ಶೆಟ್ಟಿ (90 ವರ್ಷ) ಅವರು ಗುರುವಾರ (ನ. 12) ದಂದು ನಿಧನರಾದರು. ಕಾರ್ಕಳದ ನಿಟ್ಟೆ ಗ್ರಾಮದ ಕುಂಟಲ್ಪಾಡಿಯಲ್ಲಿ ವಾಸವಿದ್ದ ಅವರು ಗುರುವಾರ ಮುಂಜಾನೆ ಅಸುನೀಗಿದರು. ಮಾಜಿ KREC (ಇಂದಿನ ಎನ್ ಐಟಿಕೆ) ಪ್ರಾಂಶುಪಾಲರಾಗಿ, ಬೆಂಗಳೂರು ವಿಶ್ವವಿದ್ಯಾಲಯದ ಎರಡು ಬಾರಿ ಉಪಕುಲಪತಿಗಳಾಗಿ ಸೇವೆ ಸಲ್ಲಿಸಿದ್ದ ಅವರು, ಇಂದಿರಾ ಗಾಂಧಿ ರಾಷ್ಟ್ರೀಯ ಕಲಾ ಕೇಂದ್ರದ ಮುಖ್ಯ ಕಾರ್ಯನಿರ್ವಾಹಕರಾಗಿಯೂ ಕೆಲಸ ಮಾಡಿದ್ದರು. ಅಲ್ಲದೆ ಕಲಬುರಗಿಯ ಕರ್ನಾಟಕ ಕೇಂದ್ರ ವಿಶ್ವವಿದ್ಯಾಲಯದ ಕುಲಾಧಿಪತಿಯಾಗಿಯೂ ಕೆಲಸ ಮಾಡಿದ್ದರು.