ನವದೆಹಲಿ: ಭಾರತ ಟಿ20 ಕ್ರಿಕೆಟ್ ತಂಡದ ಮಾಜಿ ನಾಯಕ ಸೂರ್ಯಕುಮಾರ್ ಯಾದವ್ ಮತ್ತವರ ಪತ್ನಿ ಇಂದು ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರನ್ನು ಭೇಟಿಯಾಗಿದ್ದಾರೆ. ಈ ವೇಳೆ ಪ್ರಧಾನಿಯವರ ಎದುರು ಪುಟ್ಟ ಬಾಲಕಿಯೋರ್ವಳು ʼಮೊರದಗಲದ ಕಿವಿಯವನೇ ಡೊಳ್ಳುಬ್ಬಿದ ಪೊಡೆಯನೆ,ಕಿರಿಕಿರಿದಿಹ ಕಣ್ಣವನೇ ಬಾರ ಬಾʼ ಎಂದು ಹಾಡಿದ್ದು ಪ್ರಧಾನಮಂತ್ರಿ ನರೇಂದ್ರ ಮೋದಿ ಅದಕ್ಕೆ ಚಪ್ಪಾಳೆ ತಟ್ಟುತ್ತಿರುವುದು ಗಮನ ಸೆಳೆದಿದೆ.  ಈ  ಕುರಿತು ತಮ್ಮ ಅಧಿಕೃತ ‘ಎಕ್ಸ್’ ಖಾತೆಯಲ್ಲಿ ಪೋಸ್ಟ್ ಹಂಚಿಕೊಂಡಿರುವ ಪ್ರಧಾನಿ ಮೋದಿ, “ದೀಪಾವಳಿಯ ಶುಭ ವಾತಾವರಣದಲ್ಲಿ ಶ್ರೀರಾಮ ಮತ್ತು ಸರಯೂ ಆಗಮನವಾಗಿದೆ. ಇದು ಈ ಬಾರಿಯ ದೀಪಾವಳಿ ಸಂಭ್ರಮವನ್ನು ಮತ್ತಷ್ಟು ಪವಿತ್ರ ಹಾಗೂ ದೈವಿಕವಾಗಿಸಿದೆ” ಎಂದು ಬರೆದುಕೊಂಡಿದ್ದಾರೆ.ಭೇಟಿಯ ಸಂದರ್ಭದಲ್ಲಿ, 2026ರ ಐಸಿಸಿ ಪುರುಷರ ಟಿ20 ವಿಶ್ವಕಪ್ ಗೆಲುವಿನ ಸಂದರ್ಭದಲ್ಲಿ ತಮಗೆ ಲಭಿಸಿದ್ದ ಚಿನ್ನದ ಪದಕವನ್ನು ಸೂರ್ಯಕುಮಾರ್ ಧರಿಸಿದ್ದರು. ಪ್ರಧಾನಿ ಮೋದಿ ಆ ಪದಕವನ್ನು ಕೈಯಲ್ಲಿ ಹಿಡಿದು ಕಣ್ತುಂಬಿಕೊಂಡು, ಭಾರತ ತಂಡದ ಐತಿಹಾಸಿಕ ಗೆಲುವಿನ ಕ್ಷಣವನ್ನು ಸೂರ್ಯಕುಮಾರ್ ಅವರೊಂದಿಗೆ ಮೆಲುಕು ಹಾಕಿದರು.ಈ ಸಂದರ್ಭ ಪುಟಾಣಿ ಮಕ್ಕಳೊಂದಿಗೆ ಸುಂದರ ಕ್ಷಣಗಳನ್ನು ಕಳೆದರು.